চৰকাৰৰ অৱহেলা! সদৌ অসম প্ৰাথমিক টেট উত্তীর্ণ শিক্ষক সমাজৰ ৰাজ্যজুৰি অৱস্থান ধৰ্মঘট পালন

সদৌ অসম প্ৰাথমিক টেট উত্তীর্ণ শিক্ষক সমাজে আজি ৰাজ্যজুৰি অৱস্থান ধৰ্মঘট কাৰ্যসূচী পালন কৰিছে। সমগ্ৰ অসমৰ লগতে বিশ্বনাথ জিলাটো অনুষ্ঠিত হয়  এঘন্টিয়া এই অৱস্থান ধৰ্মঘট কাৰ্যসূচী।

বিশ্বনাথ জিলা মিছন সমন্বয়কৰ কাৰ্যালয়ৰ সন্মুখত অনুষ্ঠিত হোৱা এই অৱস্থান ধৰ্মঘট কাৰ্যসূচীত চাৰিটা শিক্ষা খণ্ডৰ সৰ্বমুঠ ৪০গৰাকী শিক্ষক-শিক্ষয়িত্ৰীয়ে অংশগ্ৰহণ কৰে।

বিভিন্ন সমস্যাৰে জৰ্জৰিত প্ৰায়ে প্ৰতিবাদী কাৰ্যসূচীৰ জৰিয়তে চৰকাৰক উত্থাপন কৰি অহা শিক্ষকসকলে আজি পৰ্যন্ত চৰকাৰৰ পৰা কোনো ধৰণৰ সমাধানৰ পথ পোৱা নাই যাৰ ফলত আজি পুণৰ ৰাজ্যৰ প্ৰতিখন জিলাত এই দৰে প্ৰতিবাদমুখৰ হৈছে শিক্ষক-শিক্ষয়িত্ৰীসকল।

লগতে পঢ়ক: উফৰি গ’ল কোভিড বিধি! মাজনিশা মুখ্যমন্ত্ৰীক জন্মদিনৰ শুভেচ্ছা দিবলৈ অনুৰাগীৰ হেতা-ওপৰা

প্ৰতিবাদ সাব্যস্ত কৰা শিক্ষক-শিক্ষয়িত্ৰী সকলৰ বিশেষকৈ দাবী সমুহৰ ভিতৰত মূল দাবীসমূহ হ’ল:  

*পেব(PAB)ৰ নিৰ্দেশনা অনুসৰি দ্বৈত কেডাৰ ভঙ্গ কৰি শীঘ্ৰে সৰ্বশিক্ষাৰ অধীনৰ শিক্ষকসকলৰ চাকৰি নিয়মীয়াকৰণ কৰা।

*১ জুলাই ২০২০ তাৰিখৰ ৰাজ্যপালৰ নির্দেশনা (Orders by the Governor of Assam)ত উল্লেখিত সকলোবোৰ সুবিধা শীঘ্ৰে প্ৰদান কৰা ।

*২০১৯ চনৰ জুলাইৰ পৰা বঞ্চিত হৈ ৰোৱা বৰ্দ্ধিত মৰগীয়া বানচ বকেয়াসহ (সৰ্বমুঠ ১৯%) সম্পূর্ণকৈ আদায় দিয়া।

* কৰ্মৰত অৱস্থাত মৃত্যুবৰণ কৰা শিক্ষক-শিক্ষয়িত্ৰীৰ পৰিয়ালক তেওঁলোকৰ বাকী থকা কাৰ্যকালৰ (৬০ বছৰলৈ) সম্পূৰ্ণ দৰমহা আৰু অন্যান্য সা-সুবিধা প্ৰদান কৰাৰ ব্যৱস্থা কৰা। (যিটো নিয়মীয়া শিক্ষকসকলক দিয়া হয়)।

*আপোন ঘৰ লোণ, এনপিএছ, চাৰ্ভিচ বুক, গ্রেচুইটি, শিক্ষক বঁটা আদিৰ বাবে শীঘ্ৰে ব্যৱস্থা গ্ৰহণ কৰা।

*২০১২ চনৰ পৰা আজিলৈকে কৰ্মৰত অৱস্থাত মৃত্যুবৰণ কৰা শিক্ষক-শিক্ষয়িত্ৰীৰ পৰিয়ালক ন্যূন্যতম ২০ লাখ টকাৰ এককালীন সাহায্য প্ৰদান কৰা।

*বদলিকৰণ আইনৰ সংশোধন কৰি বহি:জিলাত কৰ্মৰত শিক্ষকসকলক গৃহ জিলালৈ বদলিৰ সুবিধা প্ৰদান কৰা।

লগতে পঢ়ক:সংসদত বাজেট উত্থাপন কেন্দ্ৰীয় বিত্তমন্ত্ৰী নিৰ্মলা সীতাৰমনৰ; আশা-প্ৰত্যাশাৰ চাপৰ প্ৰতিফলন!

* নিম্ন প্রাথমিক বিদ্যালয়ত স্থায়ী প্রধান শিক্ষক পদ সৃষ্টি কৰি যোগ্যতা সম্পন্ন টেট উত্তীর্ণ ঠিকাভিত্তিক শিক্ষকসকলকো এই পদ প্ৰদান কৰা।

ইপিনে, মুখ্যমন্ত্ৰী ড০হিমন্ত বিশ্ব শৰ্মাক জন্ম দিনৰ শুভেচ্ছা দিয়াৰ লগতে তেওঁলোকৰ সমস্যাসমূহৰ প্ৰতি দৃষ্টি দিবলৈ কাতৰ অনুৰোধ জনাইছে টেট উত্তীৰ্ণ শিক্ষক সমাজে।