মোদীৰ শপতগ্ৰহণ|| ভাৰতীয় মিদিয়াৰ মূঢ়তাক ককৰ্থনা ভূতপূৰ্ব ভুটীয়া প্ৰধান মন্ত্ৰীৰ

ভাৰতৰ নতুন চৰকাৰৰ শপতগ্ৰহণত উপস্থিত ভুটীয়া প্ৰধান মন্ত্ৰীৰ ভুল ছবি সম্প্ৰচাৰ কৰাক লৈ ভাৰতীয় সংবাদ মাধ্যমক ককৰ্থনা কৰিছে দেশখনৰ ভূতপূৰ্ব প্ৰধান মন্ত্ৰী চেৰিং তবগে’ই।

“তেওঁলোকৰ প্ৰধান মন্ত্ৰীৰ ছবিক লৈ আন দেশে ভুল কৰা হ’লে ভাৰতীয় মিদিয়া জাঙুৰ খাই উঠিলহেঁতেন। তেওঁলোকে নিজকে অস্বস্তিত পেলাইছে আৰু আমাৰ প্ৰধান মন্ত্ৰীক চিনাৰ ক্ষেত্ৰত আমাক অপমান কৰিছে। ভুটান সৰু হ’ব পাৰে, কিন্তু ই ভাৰতৰ ওচৰ চুবুৰীয়া আৰু অত্যন্ত ঘনিষ্ঠ বন্ধু,” দুটা সংবাদ মাধ্যমৰ বাতৰিৰ স্ক্ৰীন শ্বট জুৰি দি টুইট প্ৰাক্তন প্ৰধান মন্ত্ৰী তবগে’ৰ।

India’s media would be up in arms if any other country got the picture of their PM wrong. Yet they continue to embarrass themselves and insult us when it comes to identifying our PM. Bhutan may be small, but she is India’s close neighbour and a very close friend. pic.twitter.com/AwBHF6WKqQ

— Tshering Tobgay (@tsheringtobgay) May 30, 2019

বৰ্তমানৰ প্ৰধান মন্ত্ৰী ল’তে’ চেৰিঙৰ ছবি বুলি আগৰজনা প্ৰধান মন্ত্ৰী তবগে’ক দেখুৱাইছিল কেইটামান ভাৰতীয় সংবাদ মাধ্যমে।

প্ৰাক্তন প্ৰধান মন্ত্ৰীজনৰ টুইটটোৰ পিছতে বহুহাজাৰ ভাৰতীয় লোকে ঘটনাটোৰ বাবে ভুটানৰ ওচৰত ক্ষমা প্ৰাৰ্থনা কৰিছে।

তেওঁৰ টুইটটো সাত হাজাৰতকৈয়ো অধিক লোকে ৰি টুইট কৰাৰ লগতে প্ৰায় চাৰি হাজাৰে শুকুৰবাৰলৈকে কমেণ্ট কৰিছে।

My thanks to the many Indians for the outpouring of support and understanding. Attached is a photo of PM Dr Lotay Tshering for the media’s ready reference.

The pictures used are of former PM (yours truly) and Chief Advisor of Interim Government (Chief Justice Tshering Wangchuk) https://t.co/6efeZPB2RU pic.twitter.com/d8KQVlcNAm

— Tshering Tobgay (@tsheringtobgay) May 30, 2019

ভাৰতীয়সকলৰ ধনাত্মক সঁহাৰিৰ পিছত তেওঁ আন এটা টুইটযোগে সকলোকে ধন্যবাদ জনোৱাৰ লগতে হিমালয়ী দেশখনৰ বৰ্তমান প্ৰধান মন্ত্ৰী ল’তে’ চেৰিঙৰ এখন ছবিও ভাৰতীয় মিদিয়াৰ প্ৰতি ৰাজহুৱা কৰে।