অভিলেখ ৯৯,৯৯৯ টকাত বিক্ৰী অসমৰ গ’ল্ডেন চাহ

উজনি অসমৰ নাহৰচুকবাৰী চাহ বাগিচাৰ পৰা অহা গ’ল্ডেন পাৰ্ল নামৰ এক বিশেষ চাহ প্ৰতি কিলোগ্ৰামত ৯৯,৯৯৯ টকাৰ অভিলেখ মূল্যত বিক্ৰী হৈছে গুৱাহাটী চাহ নিলাম কেন্দ্ৰ (GTAC) ত।

এই বিশেষ চাহবিধ জিটিএচিত পাৰ্কন (ইণ্ডিয়া) প্ৰাইভেট লিমিটেডে বিক্ৰী কৰিছিল। ইয়াৰ দ্বাৰা কেইসপ্তাহমান পূৰ্বে মনোহৰী চাহ ইষ্টেটৰ দ্বাৰা GTAC ত স্থাপিত অভিলেখ মূল্য স্পৰ্শ কৰে।

যোৱা বছৰ ডিচেম্বৰত GTAC ত “মনোহৰী গোল্ড” নামৰ এক বিশেষ চাহ সৰ্বকালৰ সৰ্বাধিক অভিলেখ মূল্য ৯৯,৯৯৯ টকা প্ৰতি কিলোগ্ৰামত বিক্ৰী কৰা হৈছিল।

এই চাহবিধ স্থানীয় ক্ৰেতা অসম চাহ ব্যৱসায়ীয়ে ক্ৰয় কৰিছিল।

নাহৰচুকবাৰী চাহৰ এই কাৰখানাটো ডিব্ৰুগড় বিমানবন্দৰৰ ওচৰৰ লাহোৱালত অৱস্থিত। কাৰখানাটো এএফটি টেকনো ট্ৰেডৰ মালিকানাধীন আৰু ২০১৮ চনত তিনিজন অংশীদাৰ- নুৰ আলম খান, ইমৰান খান আৰু আছলাম খানৰ দ্বাৰা প্ৰতিষ্ঠা কৰা হৈছিল।

ইকৰা গাঁৱৰ নাহৰচুকৰ এই পূৰ্বৰ ক্ষুদ্ৰ চাহ খেতিয়কসকলে তেওঁলোকৰ ক্ষুদ্ৰ চাহ খেতিয়কৰ গোটৰ পৰা অসমৰ সৰ্বশ্ৰেষ্ঠ চাহ উৎপাদন কৰাৰ সপোন দেখিছে।

তেওঁলোকে শেহতীয়াকৈ GTAC ত পঞ্জীয়ন কৰিছে আৰু একে ব্ৰেণ্ড নামৰ নিলামত তেওঁলোকৰ CTC চাহ বিক্ৰী কৰিব।