Tulasi Ojha passes away: বিশিষ্ট লোকশিল্পী, ঢোলৰ যাদুকৰ তুলসী ওজাৰ বিয়োগ; মুখ্যমন্ত্ৰীকে ধৰি বিভিন্নজনৰ শোকপ্ৰকাশ

Tulasi Ojha passes away ৰাজ্যখনৰ এগৰাকী বিশিষ্ট লোকশিল্পী, ঢোলৰ যাদুকৰ তুলসী ওজাৰ শনিবাৰে গুৱাহাটীৰ বি বৰুৱা কেঞ্চাৰ হাস্পাতালত পৰলোকপ্ৰাপ্তি ঘটে। প্ৰসিদ্ধ ঢুলীয়া মঘাই ওজাৰ শিষ্য আছিল প্ৰয়াত তুলসী ওজা।

নিজৰ ঢোলৰ যাদুৰে অসমবাসীক মোহাছন্ন কৰি ৰখা তুলসী ওজা বহুদিন ধৰি অসুস্থ হৈ আছিল।

টিংখাঙৰ ভালুকমৰা গাঁৱৰ লোকবাদ্য শিল্পী তুলসী ওজাই অসমৰ ঢুলীয়া সংস্কৃতিক কেৰেলা, হায়দৰাবাদ, নাগপুৰ, কলকতাকে ধৰি বিভিন্ন ৰাষ্ট্ৰীয় তথা আন্তঃৰাষ্ট্ৰীয় পৰ্যায়লৈ লৈ গৈছিল।

তুলসী ওজা প্ৰতিমা পাণ্ডে বঁটাৰেও সন্মানিত হৈছিল ৷ মাত্ৰ ১২ বছৰ বয়সৰ পৰাই কান্ধত ঢোল তুলি লোৱা তুলসী ওজাই বিহু মঞ্চতো খলকনি তুলিছিল।

শিল্পীগৰাকীয়ে  ৰোগাক্ৰান্ত হৈ পৰাৰ পিছৰে পৰা যথেষ্ট কষ্টেৰে সময় পাৰ কৰিব লগীয়া হৈছিল।

ৰাজ্যখনৰ বিশিষ্ট লোকশিল্পীগৰাকীৰ পৰলোকপ্ৰাপ্তিত সমাজৰ বিভিন্ন শ্ৰেণীৰ লোকে শোক প্ৰকাশ কৰাৰ লগতে মৃতকৰ আত্মাৰ সদ্গতি কামনা কৰিছে। 

তুলসী ওজাৰ মৃত্যুত মুখ্যমন্ত্ৰী ড০ হিমন্ত বিশ্ব শৰ্মাই গভীৰ শোক প্ৰকাশ কৰিছে। টুইটযোগে এক শোকবাৰ্তাত মুখ্যমন্ত্ৰী লিখিছে, ‘’অসমৰ ঢুলীয়া সংস্কৃতিৰ অন্যতম ধ্বজাবাহী ব্যক্তিসত্তা তুলসী ওজাদেৱৰ পৰলোক গমনৰ খবৰটো পাই গভীৰভাৱে মৰ্মাহত হৈছোঁ৷ এই বিয়োগ আমাৰ বাবে অপূৰণীয় ক্ষতি৷ এই কৰুণ মুহূৰ্তত লোকশিল্পীগৰাকীৰ বিদেহ আত্মাৰ চিৰশান্তি কামনাৰে ঈশ্বৰক প্ৰাৰ্থনা জনাই শোকসন্তপ্ত পৰিয়াললৈ সমবেদনা জ্ঞাপন কৰিছোঁ৷’’

অসমৰ ঢুলীয়া সংস্কৃতিৰ অন্যতম ধ্বজাবাহী ব্যক্তিসত্তা তুলসী ওজাদেৱৰ পৰলোক গমনৰ খবৰটো পাই গভীৰভাৱে মৰ্মাহত হৈছোঁ৷ এই বিয়োগ আমাৰ বাবে অপূৰণীয় ক্ষতি৷ এই কৰুণ মুহূৰ্তত লোকশিল্পীগৰাকীৰ বিদেহ আত্মাৰ চিৰশান্তি কামনাৰে ঈশ্বৰক প্ৰাৰ্থনা জনাই শোকসন্তপ্ত পৰিয়াললৈ সমবেদনা জ্ঞাপন কৰিছোঁ৷ pic.twitter.com/lmlijGnphz

— Himanta Biswa Sarma (@himantabiswa) July 2, 2022

প্ৰখ্যাত লোকশিল্পীগৰাকীৰ মৃত্যুত শোকপ্ৰকাশ কৰিছে প্ৰাক্তন মুখ্যমন্ত্ৰী তথ্য কেন্দ্ৰীয় মন্ত্ৰী সৰ্বানন্দ সোণোৱালেও।

প্ৰখ্যাত ঢুলীয়া, লোকশিল্পী তুলসী ওজাৰ বিয়োগত গভীৰ শোক প্ৰকাশ কৰিছোঁ। নিৰলস সাধনাৰে অসমৰ লোকসংস্কৃতিৰ বৰপথাৰখনক তেখেতে জীপাল কৰি থৈ গ'ল।

ওজাদেৱৰ বিদেহ আত্মাৰ সদ্গতি কামনা কৰি শোকসন্তপ্ত পৰিয়ালবৰ্গলৈ মোৰ গভীৰ সমবেদনা জনালোঁ। ঔঁ শান্তি pic.twitter.com/RaZ2T24bw9

— Sarbananda Sonowal (@sarbanandsonwal) July 2, 2022

এট টুইট বাৰ্তাত সোণোৱালে লিখিছে, ‘’প্ৰখ্যাত ঢুলীয়া, লোকশিল্পী তুলসী ওজাৰ বিয়োগত গভীৰ শোক প্ৰকাশ কৰিছোঁ। নিৰলস সাধনাৰে অসমৰ লোকসংস্কৃতিৰ বৰপথাৰখনক তেখেতে জীপাল কৰি থৈ গ’ল। ওজাদেৱৰ বিদেহ আত্মাৰ সদ্গতি কামনা কৰি শোকসন্তপ্ত পৰিয়ালবৰ্গলৈ মোৰ গভীৰ সমবেদনা জনালোঁ। ঔঁ শান্তি।’’