কূটাঘাতৰ পৰিকল্পনা! দিৱসৰ প্ৰাকক্ষণত পুলৱামাত উদ্ধাৰ বৃহৎ পৰিমাণৰ বিস্ফোৰক সামগ্ৰী
সমাগত দেশৰ ৭৫ সংখ্যক স্বাধীনতা দিৱস। এই গৌৰৱময় দিনটোৰ প্ৰাকক্ষণত জম্মু-কাশ্মীৰত উদ্ধাৰ হোৱা বৃহৎ পৰিমাণৰ বিস্ফোৰক সামগ্ৰীক লৈ সৃষ্টি হৈছে উদ্বেগজনক পৰিস্থিতিৰ।
কাশ্মীৰ আৰক্ষীয়ে আজি পুলৱামাৰ চাৰ্কুলাৰ ৰোডৰ তাহাব ক্ৰছিংৰ ওচৰত প্ৰায় ২৫ ৰ পৰা ৩০ কিলোগ্ৰাম ইম্প্ৰুভাইজড এক্সপ্লোচিভ ডিভাইচ (IED) উদ্ধাৰ কৰিছে।
স্বাধীনতা দিৱসৰ প্ৰাকক্ষণত দুৰ্বৃত্তই কূটাঘাতৰ লক্ষ্যৰে এই বিস্ফোৰক সামগ্ৰীসমূহ গোটাই ৰখাৰ সন্দেহ কৰিছে কাশ্মীৰ আৰক্ষীয়ে।
কাশ্মীৰৰ অতিৰিক্ত আৰক্ষী সঞ্চালক প্ৰধান বিজয় কুমাৰে সংবাদ মাধ্যমৰ আগত জানিবলৈ দিয়া মতে পুলৱামাৰ চাৰ্কুলাৰ ৰোডৰ তাহাব ক্ৰছিংৰ ওচৰত আৰক্ষী আৰু নিৰাপত্তা বাহিনীয়ে যৌথ অভিযানত প্ৰায় ২৫ ৰ পৰা ৩০ কিলোগ্ৰাম ওজনৰ এই আইইডি উদ্ধাৰ কৰে।
পুলৱামা আৰক্ষীয়ে এক বিশেষ অনুসন্ধান যোগে এই তথ্য লাভ কৰাৰ পিছত তাৎক্ষণিকভাৱে অভিযান চলাই এক বহৎ দুৰ্ঘটনা প্ৰতিহত কৰে বুলি বিজয় কুমাৰে লগতে কয়।
ইফালে আজি পুৱতি দিনা উপত্যকাটোৰ বুদগাম জিলাত নিৰাপত্তাৰক্ষীয়ে আন এক সন্ত্ৰাসবাদ বিৰোধী অভিযানত নামি পৰিছে। সন্ত্ৰাসবাদীৰ উপস্থিতিৰ তথ্য লাভৰ পাছত সেনা-আৰক্ষীয়ে এক অভিযান চলায়।
কুখ্যাত সন্ত্ৰাসবাদী লটিফ ৰাথাৰকে ধৰি সন্ত্ৰাসবাদী সংগঠন লস্কৰ-ই-তৈবাৰ তিনিজন সন্ত্ৰাসবাদী সদস্য এই সংঘৰ্ষস্থলীত আৱদ্ধ হৈ আছে বুলি কাশ্মীৰ আৰক্ষীয়ে জানিবলৈ দিছে।
বিজয় কুমাৰে জানিবলৈ দিয়া মতে সন্ত্ৰাসবাদী লটিফ ৰাথাৰ ৰাহুল ভাট আৰু অমৰিন ভাটকে ধৰি কেইবাজনো নাগৰিকৰ হত্যাকাণ্ডত জড়িত আছিল।
You may also like
নতুন Suzuki V-Strom 160 মুকলি; চাওক, কিহৰ বাবে বিশেষ এই মটৰ চাইকেলখন
চুজুকিয়ে তেওঁলোকৰ পৰ্টফলিঅ’ত এখন নতুন মটৰ চাইকেল সংযোজন কৰিলে। নাম দিয়া হৈছে ভি-ষ্ট্ৰম ১৬০ (Suzuki V-Strom 160) । শেহতীয়াকৈ কলম্বিয়াৰ বজাৰত ইয়াক…
অব্যাহত ক’ৰ’নাৰ সংহাৰ; ইটালীক অতিক্ৰম আমেৰিকাৰ
সমগ্ৰ বিশ্বকে ক’ৰ’না ভাইৰাছে গ্ৰাস কৰিছে যদিও ইটালী আৰু আমেৰিকাত ইয়াৰ সংহাৰে তীব্ৰ ৰূপ ধাৰণ কৰিছে। ইটালীত ক’ৰ’নাই এই পৰ্যন্ত ১৯,৪৬৮ গৰাকী…
পেট্ৰল পাম্পত তেল ভৰাওতে ৫ টা উপায়েৰে ঠগিব পাৰে আপোনাক, জানি থওক সেয়া
পেট্ৰল পাম্পৰ বিৰুদ্ধে অভিযোগৰ অন্ত নাই। কেতিয়াবা যদি ভেজাল তেলৰ অভিযোগ কেতিয়াবা আকৌ তেল কমকৈ দিয়াৰ অভিযোগ আদি। বহু পেট্ৰল পাম্পতেই নিতৌ…
লখিমপুৰৰ বিশিষ্ট তাই পণ্ডিত, শিল্পী যজ্ঞেশ্বৰ লিগিৰাক দুৰ্বৃত্তৰ আক্ৰমণ
লখিমপুৰৰ বিশিষ্ট তাই পণ্ডিত তথা “হেম বুঢ়াগোহাঁই বঁটা” প্ৰাপক শিল্পী যজ্ঞেশ্বৰ লিগিৰাক যোৱা নিশা চাৰিজন অচিনাক্ত দুৰ্বৃত্তই আক্ৰমণ কৰে। প্ৰহৃত পণ্ডিত, শিল্পীজনৰ…