গুৱাহাটীত আলফা স্বাধীনৰ জ্যেষ্ঠ নেতা জীৱন মৰাণৰ দেহাৱসান

Senior ULFA (I) leader Jibon Moran passes away আলফা স্বাধীনৰ জ্যেষ্ঠ নেতা জীৱন মৰাণৰ শনিবাৰে নিশা গুৱাহাটীৰ এখন ব্যক্তিগত চিকিৎসালয়ত দেহাৱসান ঘটে। মৃত্যুৰ সময়ত তেওঁৰ বয়স আছিল ৬৭ বছৰ। তেওঁ পত্নী আৰু দুগৰাকী কন্যাক এৰি গৈছে।

আলফা স্বাধীনৰ জ্যেষ্ঠ নেতাজনে যোৱা কেইদিনমান ধৰি গুৱাহাটীৰ এপোলো হাস্পাতালত চিকিৎসাধীন হৈ আছিল। বৃক্কৰ সমস্যাৰ বাবে তেওঁৰ চিকিৎসা চলি আছিল।

চিকিৎসালয়ত চিকিৎসাধীন অৱস্থাত মৰাণ কোভিড-১৯ ত আক্ৰান্ত হৈছিল।

লগতে পঢ়ক: উত্তৰ লখিমপুৰ মহাবিদ্যালয়ৰ অধ্যক্ষৰ বিৰুদ্ধে ষড়যন্ত্ৰৰ গোন্ধ পাইছে আহোম সংগঠনসমূহে

আলফা স্বাধীনৰ মুৰব্বী পৰেশ বৰুৱাৰ ঘনিষ্ঠ সহযোগী হিচাপে পৰিচিত মৰাণে যোৱা বছৰ মূলসুঁতিলৈ উভতি আহিছিল।

২০২১ চনৰ ২৫ এপ্ৰিলত তিনিচুকীয়াত তেওঁ অসম আৰক্ষীৰ সন্মুখত আত্মসমৰ্পণ কৰিছিল।

২০১৯ চনত ডিব্ৰুগড় আৰক্ষী থানাত তেওঁৰ বিৰুদ্ধে পঞ্জীয়ন কৰা ধন দাবী সম্পৰ্কীয় এটা গোচৰত ঘৰলৈ উভতি অহাৰ তিনিদিন পিছত মৰাণক গ্ৰেপ্তাৰ কৰা হৈছিল।

তেওঁ ডিব্ৰুগড় কাৰাগাৰত ৯ মাহ অতিবাহিত কৰিছিল আৰু এই বছৰৰ ১১ জানুৱাৰীত জামিন লাভ কৰিছিল।

লগতে পঢ়ক: সঞ্চালক আৰু অধ্যক্ষাৰ বিৰুদ্ধে হাৰাশাস্তিৰ অভিযোগ; কোকৰাঝাৰ ছেম কলেজ অফ নাৰ্ছিঙৰ হোষ্টেলত উত্তপ্ত পৰিস্থিতি

মৰাণ ৩৫ বছৰ ধৰি আলফা স্বাধীনৰ সৈতে জড়িত আছিল আৰু চিকিৎসাজনিত কাৰণত আলফা স্বাধীনৰ পৰা অৱসৰ লোৱাৰ সিদ্ধান্ত লৈছিল।

জীৱন মৰাণ ১৯৮৪ চনত প্ৰশিক্ষণৰ বাবে ম্যানমাৰৰ কাচিনলৈ যোৱা আলফাৰ অন্যতম প্ৰতিষ্ঠাপক সদস্য আছিল।

তেওঁ বিত্ত সচিব আৰু স্বয়ম্ভু “মেজৰ জেনেৰেল” হিচাপে কাৰ্যনিৰ্বাহ কৰিছিল।

লগতে পঢ়ক: Scorpio Venom: বিষৰ মূল্য কোটি কোটি টকা; ২০ হাজাৰ বৃশ্চিকৰ খেতি কৰি ধনী হ’ল কৃষক

তেওঁৰ অন্তিম সংস্কাৰ দেওবাৰে তিনিচুকীয়া জিলাৰ তেওঁৰ জন্মস্থান কাকপাথাৰত সম্পন্ন কৰা হ’ব।