গালৈ দলিয়াই দিলে আতচবাজী! ভৰিৰ কাষত ফটকা ফুটি প্ৰাণ গ’ল বাটৰুৱাৰ

উন্মত্ত লোকে গালৈ ফটকা নিক্ষেপ কৰাৰ বাবে প্ৰাণ গ’ল এজন আদবয়সীয়া ব্যক্তিৰ।

উত্তৰ প্ৰদেশৰ গাজিয়াবাদত সংঘটিত হৈছে এই ঘটনা। ইতিমধ্যে এই কৰুণ পৰিণতিৰ ভিডিঅ’ ফুটেজ পোহৰলৈ আহিছে। 

ঘটনা অনুসৰি, ৰাস্তাৰে পাৰ হৈ যাওতে এজন বাটৰুৱাৰ গালৈ এজন উন্মত্ত যুৱকে এটা ফটকা দলিয়াই দিয়ে। ফটকাটো ব্যক্তিজনৰ ভৰিৰ ওচৰতে ফুটি যায়। তাৰপিছতেই তেওঁ মাটিত বাগৰি পৰে।

দেওবাৰে নিশা গাজিয়াবাদৰ লিংক ৰোডৰ সমীপত দীপাৱলী উদযাপনৰ সময়ত সংঘটিত হয় এই ঘটনা।

পিছত চিকিৎসালয়লৈ নিয়াৰ সময়ত চিকিৎসকে ব্যক্তিজনক মৃত বুলি বুলি ঘোষণা কৰে। সমগ্ৰ ঘটনাৰ তদন্ত আৰম্ভ কৰিছে আৰক্ষীয়ে।

উত্তৰ প্ৰদেশ আৰক্ষীৰ সূত্ৰ অনুসৰি মৃত ব্যক্তিজনৰ নাম আফজল ওৰফে নাটু। ব্যক্তিজনৰ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰিছে আৰক্ষীয়ে। 

#Watch: দীপাবলির রাতে বাজি ফেটে মৃত্যু মাঝবয়সি এক ব্যক্তির। ঘটনাটি ঘটেছে গাজিয়াবাদ লিঙ্ক রোডের কাছে।

সব খবর: https://t.co/Z9cGg0kjDs#Gaziabad | #Diwali | #FireCrackers pic.twitter.com/qWjsMbrPUe

— TV9 Bangla (@Tv9_Bangla) November 13, 2023

ঘটনাৰ ভিডিঅ’ ফুটেজ পৰীক্ষা কৰি আৰক্ষীয়ে অভিযুক্ত যুৱকজনক চিনাক্ত কৰিছে। আৰক্ষীৰ সূত্ৰ অনুসৰি অভিযুক্তৰ নাম প্ৰদীপ। 

ইতিমধ্যে সামাজিক মাধ্যমত ভাইৰেল হৈ পৰিছে এই ঘটনাৰ চিচি টিভি ফুটেজ।