ৰাজ্যিক নিৰ্বাচনত আশাভংগ: ৬ ডিচেম্বৰত বিৰোধী বৈঠক আহ্বান কংগ্ৰেছৰ
আজি ঘোষণা হ’ব চাৰি ৰাজ্যৰ বিধানসভা নির্বাচনৰ ফলাফল। এইপৰ্যন্ত চলি থকা ভোটগণনাত চাৰি ৰাজ্যৰ ভিতৰত তিনিখনতে নিশ্চিত পৰাজয়ৰ গ্ৰাসত পৰিছে কংগ্ৰেছ।
বিজেপি ধুমুহাত বিপৰ্যস্ত কংগ্ৰেছে ইতিমধ্যেই প্ৰায় হাৰ মানিছে মধ্যপ্ৰদেশ, ৰাজস্থান আৰু ছত্তীশগড়ত। আনহাতে তেলেঙ্গানাত পৰৱৰ্তী চৰকাৰ গঠনৰ দিশত আগবাঢ়িছে দলটো।
ৰাজ্যিক নিৰ্বাচনত সন্মুখীন হোৱা এই বিপৰ্যয়ে চিন্তিত কৰি তুলিছে একালৰ প্ৰতিপত্তিশীল দলটোক। এনে চিন্তনীয় পৰিৱেশৰ মাজতে কংগ্ৰেছে অহা ৬ ডিচেম্বৰত সন্মিলিত বিৰোধীৰ বৈঠক আহ্বান কৰিছে।
কংগ্ৰেছ সভাপতি মল্লিকাৰ্জুন খৰ্গেই বিৰোধী মিত্ৰজোঁটৰ অংশীদাৰসকলক ইতিমধ্যে বৈঠকৰ বিষয়ে অৱগত কৰিছে।
আজি তিনি ৰাজ্যৰ আৰু কাইলৈ মিজোৰাম বিধানসভা নির্বাচনৰ ফলাফলৰ পিছত অহা বৰ্ষত অনুষ্ঠিত হ’বলগীয়া লোকসভা নিৰ্বাচনৰ পূৰ্বে INDIA মিত্ৰজোঁটৰ এই বৈঠক অত্যন্ত গুৰুত্বপূৰ্ণ হিচাপে বিবেচিত হৈছে।
আগন্তুক লোকসভা নিৰ্বাচনৰ পূৰ্বে চাৰি ৰাজ্যৰ এই বিধানসভা নিৰ্বাচন শাসক বিৰোধী উভয়ৰে বাবে ‘ছেমি ফাইনেল’ সদৃশ হৈ পৰিছে আৰু তাৎপৰ্যপূৰ্ণভাৱে এই দিশত আগভাঢ়ি গৈছে শাসকীয় বিজেপি।
You may also like
ভাৰতৰ নাম এদিন প্ৰধানমন্ত্ৰী মোদীৰ নামেৰে নামকৰণ কৰা হ’ব! কোনে ক’লে?
দেশৰ নাম ভাৰত সলাই এদিন প্ৰধানমন্ত্ৰী নৰেন্দ্ৰ মোডীৰ নামেৰে নামকৰণ কৰা হ’ব! সোমবাৰে এইদৰে প্ৰধানমন্ত্ৰীক সমালোচনাৰে তুলাধুনা দিলে পশ্চিমবংগৰ মুখ্যমন্ত্ৰী মমতা বেনাৰ্জীয়ে।…
অশান্ত মণিপুৰ! মহিলাৰ নেতত্বত ১৫০০ সশস্ত্ৰ বিক্ষোভকাৰীয়ে ঘেৰি ধৰিলে সেনাক; মোকলাই নিলে ১২ জন বিদ্ৰোহীক
৫০ দিনতকৈও অধিক সময় ধৰি বিক্ষোভত জ্বলি আছে মণিপুৰ। জনজাতিৰ সংৰক্ষণক লৈ মেইটেই আৰু কুকি জনগোষ্ঠীৰ মাজত সংঘাতৰ চলি আছে। পৰিস্থিতি চম্ভালিবলৈ…
সন্ত্ৰাসজৰ্জৰ জম্মু-কাশ্মীৰ: পুনৰ কাশ্মীৰী পণ্ডিতক হত্যা সন্ত্ৰাসবাদীৰ
সন্ত্ৰাসবাদৰ বিৰুদ্ধে চলি থকা নিৰন্তৰ অভিযানৰ মাজতে আজি দক্ষিণ কাশ্মীৰৰ সন্ত্ৰাসবাদীৰ আক্ৰমণত প্ৰাণ হেৰুৱাইছে এগৰাকী কাশ্মীৰী পণ্ডিতে। কাশ্মীৰৰ শ্বপিয়ান জিলাত সংঘটিত হৈছে…
ৰাজগড় জলবিস্ফোৰণ: ৰাইজৰ ৰোষত মন্ত্ৰী অশোক সিংঘাল
খাৰঘুলিত সংঘটিত জলবিস্ফোৰণৰ বিতৰ্ক মাৰ নাযাওঁতেই আজি আন এক জনবিস্ফোৰণ কাণ্ড সংঘটিত হয় মহানগৰীত। জলব’ৰ্ডৰ পানী যোগান পাইপলাইন ফাটি যোৱাৰ ফলশ্ৰুতিত আজি…