কিহৰ দুখত এই অৱস্থা হ’ল ছানী দেউলৰ? নিশাৰ মায়ানগৰত মাতাল ছানীৰ ঢলংপলং খোজ

এইবাৰ বিতৰ্কৰ কেন্দ্ৰবিন্দু হৈ পৰিছে বৰ্ষীয়ান অভিনেতা ধমেন্দ্ৰৰ পুত্ৰ তথা বলিউডৰ জনপ্ৰিয় অভিনেতা ছানী দেউল।

মদ খাই মাতাল হৈ মুম্বাইৰ ৰাজপথত ঢলংপলঙকৈ খোজ কাঢ়িছে অভিনেতাগৰাকীয়ে। ইতিমধ্যে সামাজিক মাধ্যমত ভাইৰেল হৈ পৰিছে এই ভিডিঅ’।

ভিডিঅ’ত ছানীক জিনছ আৰু বগা চাৰ্ট পিন্ধি ৰাজপথত ঢলংপলং অৱস্থাত দেখা পোৱা গৈছে।  ব্যস্ত মাজ ৰাস্তাত অলপতে দুৰ্ঘটনাৰ পৰা ৰক্ষা পৰিছে নিচাত চেতন হেৰুৱাই পেলোৱা ছানী দেউলে। ছানীৰ ভাগ্য ভাল আছিল যে এজন অটো চালক আগবাঢ়ি আহি তেওঁক অটোখনৰ পিছৰ চিটত বহুৱাই উদ্ধাৰ কৰিলে।

উল্লেখ্য যে পাঞ্জাৱৰ এটা জাট পৰিয়ালত জন্মগ্ৰহণ কৰিছিল ছানীয়ে। সকলোৱে জানে যে এই পৰিয়ালৰ লোকে মদ্যপান নকৰে। ‘ভাল ল’ৰা’ হিচাপে ছানীৰ এটা পৰিচয় আছে। এনে ভাবমূৰ্ত্তি হেৰুৱাই মাজ ৰাস্তাত মাতাল হৈ ঘূৰি ফুৰাৰ কাৰণ কি? 

এই ভিডিঅ’ সামাজিক মাধ্যমত প্ৰচাৰ হোৱাৰ পিছত আচৰিত হৈ পৰিছে ছানীৰ অনুৰাগীসকল। একাংশ লোকে সামাজিক মাধ্যমত ট্ৰল কৰিছে অভিনেতাগৰাকীক। 

এই ভিডিঅ’টো আপলোড কৰিছিল এজন ‘এক্স’ ব্যৱহাৰকাৰীয়ে। চকুৰ পলকতে ভাইৰেল হৈ পৰিছিল ভিডিঅ’টো। বহুতে বিশ্বাসেই কৰিব বিচৰা নাছিল যে সেই ব্যক্তিজন ছানী আছিল ।

Haters are spreading fake news regarding this video that Sunny paji spotted drinker at juhu .@iamsunnydeol is shooting #Safar directed by shashank udrapurkar ❤️❤️❤️.#SunnyDeol #Film #New pic.twitter.com/RtPDKJH8p4

— #Gadar2 #SunnyDeol #BobbyDeol #Dharam#Animal (@LegendDeols) December 6, 2023

ইফালে ছানীৰ অনুৰাগীসকলে ক’লে, “আমাৰ ছানী ভাইয়ে তেনেকুৱা কাম কৰিব নোৱাৰে। তেওঁ এখন ছবিৰ শ্বুটিং কৰি আছিল। তেওঁৱ ইমান ভাল অভিনয় কৰিছিল যে সকলোৱে তেওঁক সঁচাকৈ মদ্যপান কৰা বুলি ভাবিছিল। ছানী দেওলে ‘ছাফৰ’ নামৰ এখন ছবিত অভিনয় কৰিছে আৰু এয়া সেই ছবিখনৰ শ্বুটিঙৰ দৃশ্য।”