অস্কাৰ বিজয়ী ‘পেৰাচাইট’ ছবিৰ অভিনেতাৰ মৃত্যু; গাড়ীৰ পৰা উদ্ধাৰ মৃতদেহ

এখন গাড়ীৰ পৰা মৃত অৱস্থাত উদ্ধাৰ হৈছে ‘পেৰাচাইট’ ছবিৰ অভিনেতা লী ছান কিউক। ২৭ ডিচেম্বৰ (বুধবাৰে)ত ছিউলত গাড়ীখনৰ পৰা উদ্ধাৰ কৰা হয় তেওঁক। অস্কাৰ বিজয়ী ছবিখনত তেওঁ গুৰুত্বপূৰ্ণ ভূমিকাত অভিনয় কৰিছিল। মৃত্যুৰ সময়ত তেওঁৰ বয়স আছিল মাত্ৰ ৪৮ বছৰ।

আন্তৰ্জাতিক সংবাদ সংস্থাৰ বাতৰি মতে, এখন পাৰ্কত ৰখাই থোৱা গাড়ীৰ পৰা পেৰাচাইট খ্যাত অভিনেতা লী ছান কিউক অচেতন অৱস্থাত উদ্ধাৰ কৰা হয়। তাৰপিছতে গম পোৱা যায় যে তেওঁৰ মৃত্যু হৈছে।

লগতে পঢ়কঃ নতুন মাইলৰ খুঁটি গঢ়াৰ পথত ইছৰো! কৃষ্ণগহ্বৰ আৰু নিউট্ৰন ষ্টাৰৰ সন্ধানত উৎক্ষেপণ হ’ব XPoSAT

অস্কাৰ বিজয়ী ছবি পেৰাচাইটত তেওঁ অতি গুৰুত্বপূৰ্ণ চৰিত্ৰত অভিনয় কৰিছিল। অৱশ্যে যোৱা কেইমাহমানৰ পৰা তেওঁ সেই দেশত আন এক কাৰণত চৰ্চালৈ আহিছিল। তেওঁৰ নাম এক অবৈধ ড্ৰাগছৰ গোচৰত জড়িত হৈছিল। বৰ্তমান তাৰেই তদন্ত চলি আছিল।

ইপিনে, ২৭ ডিচেম্বৰ বুধবাৰে তেওঁক এখন গাড়ীত মৃত অৱস্থাত উদ্ধাৰ হয়। এই কথা দেশখনৰ ইয়োনহাপ সংবাদ সংস্থাই প্ৰকাশ কৰিছে। ইয়াৰ পিছতে তেওঁৰ পত্নীয়ে আৰক্ষীৰ সৈতে যোগাযোগ কৰে কিয়নো অভিনেতাজনৰ পৰা এটা নোট উদ্ধাৰ হয় যিখন চুইচাইড নোট বুলি ধাৰণা কৰা হৈছে।

ইয়োনহাপ এজেন্সীয়ে প্ৰকাশ কৰা অনুসৰি লীৰ পত্নীয়ে কয় যে অভিনেতাজন ঘৰৰ পৰা ওলাই যোৱাৰ সময়ত তেওঁ এই নোট পাইছিল।

লগতে পঢ়কঃ পৰিৱেশ ৰক্ষাত চিগাৰেটৰ পেলনীয়া টুকুৰা! বিজ্ঞানীৰ চমক, কেনেকৈ সম্ভৱ?

১৯৭৫ চনত জন্মলাভ কৰিছিল লী ছান কিউৱে। পেৰাচাইটত তেওঁ ধনী পিতৃৰ চৰিত্ৰত অভিনয় কৰিছিল। দক্ষিণ কোৰিয়াৰ আন কেইবাখনো ছবি যেনে হেল্পলেছ, অল এবাউট মাই ৱাইফ আদিত তেওঁ অভিনয় কৰিছে। কোৰিয়াৰ প্ৰথম অৰিজিনেল ছিৰিজ ডক্টৰ ব্ৰেনেতো কাম কৰিছিল। ২০২১ চনত সেইখন মুক্তি পাইছিল।