জাৰ্মানীৰ বিশ্বজয়ী ফুটবলাৰ তথা প্ৰশিক্ষক কিংবদন্তি ফ্ৰাঞ্জ বেকেনবাউৰৰ দেহাৱসান

বিশ্ব ফুটবল জগতৰ এগৰাকী মহাতাৰকা ফ্ৰান্স বেকেনবাউৰৰ দেহাৱসান ঘটিছে। বিশ্ব ফুটবলত মাত্ৰ তিনিজন ব্যক্তিৰ খেলুৱৈ আৰু প্ৰশিক্ষক হিচাপে বিশ্বকাপ জয় কৰাৰ কৃতিত্ব আছে। ইয়াৰে এজন হৈছে জাৰ্মানীৰ কিংবদন্তি ফুটবলাৰ ফ্ৰাঞ্জ বেকেনবাউৰ। ৭৮ বছৰ বয়সত তেওঁৰ মৃত্যু হয়।

বেকেনবাউৰ সৰ্বকালৰ অন্যতম শ্ৰেষ্ঠ ফুটবলাৰ। জাৰ্মানী ফুটবলৰ আইকন। তেওঁ দেশৰ জাৰ্চি পিন্ধি ১০৪খন খেল খেলিছে। ১৯৭৪ চনত তেওঁৰ নেতৃত্বত পশ্চিম জাৰ্মানী (জাৰ্মানী) বিশ্ব চেম্পিয়ন হয়। ১৬ বছৰৰ পাছত তেওঁ প্ৰশিক্ষক হিচাপে বিশ্বকাপ জয়ৰ অংশীদাৰ হয়।

বেকেনবাউৰৰ পৰিয়ালৰ এক বিবৃতি অনুসৰি কিংবদন্তি ফুটবলাৰগৰাকীয়ে টোপনিতে শেষ নিশ্বাস ত্যাগ কৰে। জাৰ্মান সংবাদ সংস্থা ডিপিএৰ মতে, পৰিয়ালটোৱে কোনো ধৰণৰ প্ৰশ্ন নকৰিবলৈ অনুৰোধ জনাইছে। টোপনিতে তেওঁৰ মৃত্যু হয় যদিও ইয়াৰ কাৰণ পৰিয়ালৰ লোকে স্পষ্ট নকৰিলে। কিন্তু জাৰ্মান সংবাদ মাধ্যমৰ মতে বেকেনবাউৰ বহুদিন ধৰি বিভিন্ন ৰোগৰ বাবে সমস্যাত ভূগি আছিল।

Rest in peace, Franz Beckenbauer.

One of the best players this sport has seen and a natural leader. He will be deeply missed by us all. #RIP #Beckenbauer #DFBTeam
📸 Getty Images/Imago pic.twitter.com/qIxX8EJgFU

— German Football (@DFB_Team_EN) January 8, 2024

জাৰ্মান ফুটবলৰ কিংবদন্তি ফ্ৰাঞ্জ বেকেনবাউৰ। তেওঁৰ দৰে চেন্ট্ৰেল ডিফেণ্ডাৰ বিশ্ব ফুটবলত বিৰল। ১৯৬৬ চনত পশ্চিম জাৰ্মানীয়ে বিশ্বকাপৰ ফাইনেলত প্ৰৱেশ কৰিছিল যদিও ইংলেণ্ডৰ হাতত পৰাস্ত হৈছিল। কিন্তু ১৯৭৪ চনত সেই সপোন পূৰণ হয়। বেকেনবাউৰে জাৰ্মানীক নেতৃত্ব দি বিশ্ব চেম্পিয়নশ্বিপৰ খিতাপ লাভ কৰে। ১৯৯০ চনত প্ৰশিক্ষক হিচাপে বিশ্বকাপ জয় কৰাৰ বাবেও বেকেনবাউৰক কৃতিত্ব দিয়া হয়।

Today, 41 years ago: Win against the Netherlands! WORLD CHAMPION! A great moment! pic.twitter.com/rSVFrho2zE

— Franz Beckenbauer (@beckenbauer) July 7, 2015

প্ৰশিক্ষক আৰু খেলুৱৈ হিচাপে বিশ্বকাপ জয় কৰাৰ দৃষ্টান্ত আছিল বেকেনবাউৰৰ আৰু ব্ৰাজিলৰ কিংবদন্তি মাৰিঅ’ জাগালোৰ। ২০১৮ চনত ফ্ৰান্সৰ ডিডিয়েৰ ডেশ্বৰ নাম এই তালিকাত অন্তৰ্ভুক্ত হয়। কাকতলীয়াভাৱে মাৰিঅ’ জাগালোৰ মৃত্যুৰ দুদিনৰ ভিতৰতে বেকেনবাউৰৰো মৃত্যু হয়। প্ৰশিক্ষক আৰু খেলুৱৈ হিচাপে বিশ্ব চেম্পিয়নশ্বিপ লাভ কৰা একমাত্ৰ প্ৰশিক্ষক হৈয়েই আছে ডিডিয়েৰ। বাকী দুজনে চিৰবিদায় মাগিলে।