প্ৰাক্তন প্ৰধানমন্ত্ৰীৰ নাতিৰ বিৰুদ্ধে যৌন কেলেংকাৰীৰ অভিযোগ! আপত্তিজনক ভিডিঅ’ক লৈ আৰম্ভ তদন্ত
লোকসভা নিৰ্বাচনৰ মাজতে দাক্ষিণাত্যৰ ৰাজনীতিত তোলপাৰ লাগিছে। প্ৰাক্তন প্ৰধানমন্ত্ৰী এইচ ডি দেৱগৌড়াৰ নাতি প্ৰজ্জ্বল ৰেভান্না এইবাৰ বিতৰ্কত সোমাই পৰিছে। তেওঁৰ বিৰুদ্ধে উত্থাপিত হৈছে যৌন কেলেংকাৰীৰ অভিযোগ। এই আপত্তিজনক ভিডিঅ’ক লৈ লোকসভা নিৰ্বাচনত জেডি(এছ)ৰ প্ৰাৰ্থী প্ৰজ্জ্বলৰ বিৰুদ্ধে তদন্ত আৰম্ভ হৈছে।
এই সম্পৰ্কীয় ভিডিঅ’টোৰ পৰিপ্ৰেক্ষিতত কৰ্ণাটকৰ মুখ্যমন্ত্ৰী সিদ্দাৰামাইয়াই ইতিমধ্যে প্ৰজ্জ্বলৰ বিৰুদ্ধে তদন্তৰ নিৰ্দেশ দিছে। ইপিনে, প্ৰজ্জ্বলে দাবী কৰে যে, “ভিডিঅ’টো ভুৱা। তেওঁৰ মুখখন ‘মৰ্ফ’ কৰা হৈছে। নিৰ্বাচনৰ পূৰ্বে তেওঁৰ ভাবমূৰ্তি নষ্ট কৰিবলৈ আৰু ভোটাৰক প্ৰভাৱিত কৰিবলৈ ভিডিঅ’টো ভাইৰেল কৰা হৈছে।” ইতিমধ্যে তেওঁ আৰক্ষীক এফআইআৰ দাখিল কৰিছে।
দেশৰ প্ৰাক্তন প্ৰধানমন্ত্ৰীৰ নাতিৰ বিৰুদ্ধে তদন্তত গঠন কৰা হৈছে বিশেষ তদন্তকাৰী দল। অৱশ্যে তদন্তকাৰীয়ে হতাশজনকভাৱে তালাচী চলোৱাৰ পিছতো প্ৰজ্জ্বলৰ সন্ধান পোৱা নাই।
লগতে পঢ়কঃ IPL 2024: মধুৰ প্ৰতিশোধ! বেট-বলে উজলিল ধোনীৰ চেন্নাই; তুষাৰ দেশপাণ্ডেৰ বিক্ৰমেৰে বিধ্বস্ত হায়দৰাবাদ
ইপিনে, ছ’চিয়েল মিডিয়াত যেতিয়া ভাইৰেল ভিডিঅ’টোক লৈ তোলপাৰ লাগিছে, তাৰমাজতে শনিবাৰে জেডিএছৰ সাংসদগৰাকীয়ে ভাৰতৰ পৰা জাৰ্মানীলৈ ৰাওনা হৈছে বুলি সূত্ৰসমূহৰ পৰা জানিব পৰা গৈছে।
চলিত লোকসভা নিৰ্বাচনত কৰ্ণাটকৰ হাছান আসনৰ পৰা প্ৰজ্জ্বলে প্ৰতিদ্বন্দ্বিতা আগবঢ়াইছে। ২৬ এপ্ৰিলত তাতেই দ্বিতীয় ৰাউণ্ডৰ ভোটগ্ৰহণ অনুষ্ঠিত হয়। যৌন কেলেংকাৰীৰ সৈতে জড়িত প্ৰজ্জ্বলৰ এহেজাৰৰো অধিক ভিডিঅ’ প্ৰকাশ পাইছে। এই বিষয়টো পোহৰলৈ অহাৰ পিছতে দাক্ষিণাত্যৰ ৰাজনীতিৰ ভিতৰত ৰাজনৈতিক ধুমুহা আৰম্ভ হৈছে।
উল্লেখ্য যে কৰ্ণাটকত জেডি(এছ)ৰ সৈতে আসনৰ সন্মতি দি বিজেপিয়ে নিৰ্বাচনত অৱতীৰ্ণ হৈছে। স্বাভাৱিকতে যেতিয়া জেডিএছ প্ৰাৰ্থীৰ আপত্তিজনক ভিডিঅ’ পোহৰলৈ আহিছে, তেতিয়া গেৰুৱা শিবিৰতো অস্বস্তি বাঢ়িছে। অৱশ্যে এই সন্দৰ্ভত এতিয়ালৈকে দলৰ পৰা কোনো প্ৰতিক্ৰিয়া অহা নাই।
You may also like
প্ৰাক্তন আছু নেতা নেকিবুৰ জামানৰ মাতৃ ৰহিমা খাতুনৰ ৮২ বছৰ বয়সত পৰলোকপ্ৰাপ্তি
অসম আন্দোলনৰ নেতা, প্ৰাক্তন আছু নেতা নেকিবুৰ জামানৰ মাতৃ ৰহিমা খাতুনৰ ৮২ বছৰ বয়সত বৃহস্পতিবাৰে নিশা পৰলোকপ্ৰাপ্তি হয়৷ গুৱাহাটী চিকিৎসা মহাবিদ্যালয়ত চিকিৎসাধীন…
অচিনাকি সম্পৰ্ক! মাতৃ হ’ব বিচাৰি ছ’চিয়েল মিডিয়াত সন্তানৰ ‘পিতৃ’ৰ সন্ধান যুৱতীৰ; তাৰ পিছত…
সন্তান জন্ম দিব বিচাৰে যুৱতীগৰাকীয়ে। ইপিনে বাস্তৱত তেওঁৰ কোনো সংগী নাই। শুক্ৰাণু বেংকৰ ওপৰতো বিশ্বাস নাই। সেয়ে যুৱতীগৰাকীয়ে নিজেই সন্তানৰ পিতৃ কোন…
বাক্সাত তীব্ৰবেগী বাছৰ খুন্দাত কৰুণ মৃত্যু প্ৰাতঃভ্ৰমণলৈ যোৱা ব্যক্তিৰ
বাক্সা জিলাৰ বৰমাত বৃহস্পতিবাৰে ৰাতিপুৱা সংঘটিত হোৱা এক পথ দুৰ্ঘটনাত এগৰাকী লোকৰ কৰুণ মৃত্যু হোৱা ঘটনাই সমগ্ৰ অঞ্চলটোত শোকৰ ছাঁ পেলাইছে। দুৰ্ঘটনাটোৰ…
চিৰদিনৰ বাবে নিশ্চুপ হৈ পৰিল ‘বেবী তবছুম’: প্ৰবীণ অভিনেত্ৰী তবছুম গ’ভিলৰ দেহাৱসান
চিৰনিদ্ৰাত ঢলি পৰিল দেশৰ অভিনয় জগতৰ এক পৰিচিত মুখ তথা প্ৰবীণ অভিনেত্ৰী তবছুম গ’ভিল। হৃদযন্ত্ৰৰ ক্ৰিয়া বন্ধ হোৱাৰ ফলত আজি মুম্বাইত শেষ…