আজি ভাৰতীয় ক্ৰিকেট দলৰ মুখ্য প্ৰশিক্ষকৰ সাক্ষাৎকাৰত বহিব গৌতম গম্ভীৰ; বিশেষ বাচনি সমিটিৰ প্ৰশ্নৰ সন্মুখীন হ’ব গম্ভীৰ

আজি ভাৰতীয় পুৰুষ ক্ৰিকেট দলৰ মুখ্য প্ৰশিক্ষকৰ ভূমিকাত সাক্ষাৎকাৰৰ বাবে হাজিৰ হ’ব গৌতম গম্ভীৰ।মুম্বাইত গম্ভীৰৰ সাক্ষাৎকাৰ ল’ব ক্ৰিকেট উপদেষ্টা সমিতিয়ে। গম্ভীৰৰ লগতে আন এজন প্ৰাৰ্থীকো নিৰ্বাচকৰ ভূমিকাৰ বাবে সাক্ষাৎকাৰ লোৱা হ’ব। বৰ্তমান ভাৰতীয় ক্ৰিকেট নিয়ন্ত্ৰণ ব’ৰ্ডে ৰাহুল দ্ৰাবিড়ৰ উত্তৰাধিকাৰীক বিচাৰিছে আৰু তেওঁৰ ঠাইত গম্ভীৰ মুখ্য প্ৰশিক্ষকৰ প্ৰবল দাবীদাৰ৷

ভাৰতীয় দলৰ সৈতে দ্ৰাবিড়ৰ কাৰ্যকাল শেষ হ’ব ৱেষ্ট ইণ্ডিজ আৰু ইউনাইটেড ষ্টেটছ অৱ আমেৰিকাত চলি থকা টি-২০ বিশ্বকাপৰ পাছত।

গম্ভীৰৰ কথা ক’বলৈ গ’লে এপ্ৰিলৰ আৰম্ভণিতে কেকেআৰক তৃতীয়টো ইণ্ডিয়ান প্ৰিমিয়াৰ লীগ (আইপিএল) খিতাপ দখল কৰিবলৈ তেওঁ যথেষ্ট সহায় কৰিছিল। ইয়াৰ পাছতে ২০১১ চনৰ বিশ্বকাপ বিজয়ীগৰাকীৰ সৈতে বিচিচিআইয়ে আলোচনাত মিলিত হোৱাৰ খবৰ ওলাইছিল। ইয়াৰ পূৰ্বেও বিচিচিআইয়ে আৱেদন জমা দিবলৈ আহ্বান জনাইছিল, যাৰ অন্তিম তাৰিখ আছিল ২০২৪ চনৰ ২৭ মে’।