পৰীক্ষালৈ ২ মাহ থাকোতে হঠকাৰী ঘোষণা : লোকসেৱা আয়োগৰ আৰ্হিত অনুষ্ঠিত হ’ব ৩য়-৪ৰ্থ বৰ্গৰ নিযুক্তি পৰীক্ষা

কালি অসমৰ মুখ্যমন্ত্ৰী হিমন্ত বিশ্ব শৰ্মাই ফেচবুক লাইভযোগে তৃতীয় আৰু চতুৰ্থ বৰ্গৰ চাকৰিৰ নিযুক্তি পৰীক্ষাৰ পৰিকল্পনা ঘোষণা কৰে।

তৃতীয় আৰু চতুৰ্থ শ্ৰেণীৰ পদৰ বাবে অসম প্ৰত্যক্ষ নিযুক্তি পৰীক্ষাৰ সময়সূচী ঘোষণা কৰে মুখ্যমন্ত্ৰী হিমন্ত বিশ্ব শৰ্মাই।

মুখ্যমন্ত্ৰী শৰ্মাই এই পৰীক্ষা লোকসেৱা পৰীক্ষাৰ আৰ্হিত অনুষ্ঠিত হ’ব বুলি ঘোষণা কৰে। 

তৃতীয় বৰ্গৰ পদৰ প্ৰাৰম্ভিক পৰীক্ষা ১৫, ২২, আৰু ২৯ ছেপ্টেম্বৰৰ পৰা আৰম্ভ হ’ব, তাৰ পিছত মূল লিখিত পৰীক্ষা আৰু মৌখিক পৰীক্ষাও অনুষ্ঠিত হ’ব।

চতুৰ্থ শ্ৰেণীৰ পদৰ বাবে ২০ আৰু ২৭ অক্টোবৰৰ পৰা প্ৰাৰম্ভিক পৰীক্ষা আৰম্ভ হ’ব, মেইনছ আৰু মৌখিক পৰীক্ষাৰ জৰিয়তে একেদৰেই আগবাঢ়িব।

এই নিযুক্তি অভিযানৰ লক্ষ্য হৈছে সমগ্ৰ অসমতে প্ৰায় ৭৫০০ টা তৃতীয় শ্ৰেণী আৰু ৪৫০০ টা শ্ৰেণীৰ খালী পদ পূৰণ কৰা।

ইপিনে হঠাতে এই পৰীক্ষাৰ পদ্ধতি সলনি কৰাৰ বাবে বিপাঙত পৰিছে পৰীক্ষাৰ্থীসকল। এই কাৰ্যক টোঘলকী আখ্যা দি পুনৰ বিবেচনা কৰিবলৈ দাবী জনাইছে প্ৰাৰ্থী আৰু বিভিন্ন দল সংগঠনে।