চিঙৰা নাথাকিলে আড্ডা নজমে! পিছে জানেনে ইয়াৰ ইংৰাজী নাম? ৯৯% মানুহে নাজানে উত্তৰ!

চিঙৰাৰ সৈতে একাপ চাহ লৈ বহি আড্ডা মৰাৰ মজাটোৱে সুকীয়া। সৰহসংখ্যক লোতেই চিঙৰা খাই ভাল পায়। এই বাৰিষা গৰম তেলত ভজা মচমচীয়া চিঙৰা (চিংৰা) খাবলৈ কোনেনো ভাল নাপায়! বিশেষকৈ খাদ্যপ্ৰেমীসকলৰ বাবে চিঙৰাৰ দৰে সুস্বাদু খাদ্যৰ ব্যাপক চাহিদা আছে।

অসমত আমি যিটোক চিঙৰা বুলি কওঁ, হিন্দীত তাক চামোছা বুলি কোৱা হয়। কিন্তু সোৱাদৰ ফালৰ পৰা এই চিঙৰাৰ জুতি অনন্য।

কিন্তু চামোছা আৰু চিঙৰা সাইলাখ একে নহয়। চিঙৰা আৰু চামোছা খাবলৈ বহুতেই বেলেগ। অৱশ্যে এই বিষয়টো বাৰু ইয়াত থাকক।

বহুতেই হয়তো জানে যে কেৱল আমাৰ ভাৰততেই নহয়, এই চিঙৰা আন দেশতো সমানে সোৱাদযুক্ত খাদ্য হিচাপে জনপ্ৰিয়।

আটাইতকৈ আমোদজনক কথাটো হ’ল যি চিঙৰা খাবলৈ ভাৰতীয় খাদ্যপ্ৰেমী পাগল, দৰাচলতে ই ভাৰতৰ খাদ্যই নহয়। ই আচলতে ইৰাণৰ খাদ্য।

তাত চিঙৰাক ছাম্বোছা নামেৰে জনা যায়। দূৰৈৰ মিছৰ, লিবিয়া হৈ এই খাদ্য এছিয়ালৈ আহিছিল। বিশেষজ্ঞসকলে কয় যে মোগলৰ হাত ধৰিয়েই এই খাদ্য ভাৰতলৈ আহিছিল।

এতিয়া চিঙৰাৰ ভিতৰত বাদামৰ সৈতে আলু ভৰোৱাই পৰিবেশন কৰা হয় যদিও আগতে চিঙৰাৰ ভিতৰত কিমা মাংস ব্যৱহাৰ কৰা হৈছিল।

আপুনি জানি আচৰিত হ’ব যে চিঙৰা সুস্বাদু খাদ্য হিচাপে ইমানেই জনপ্ৰিয় যে এই চিঙৰাৰ বাবে এটা দিন উছৰ্গা কৰা হৈছে। সেয়েহে প্ৰতি বছৰে ৫ ছেপ্টেম্বৰত বিশ্ব চামোছা দিৱস পালন কৰা হয়।

কিন্তু কোনোবাই কেতিয়াবা ভাবিছেনে হিন্দীত সকলোৰে প্ৰিয় খাদ্যৰ নাম ছামোছাক ইংৰাজীত কি বুলি কোৱা হয়?

আপোনাৰ প্ৰিয় চিঙৰা সম্পৰ্কে অজ্ঞাত তথ্য জনাত ক্ষতিনো কি! সেয়ে, চিঙৰাৰ ইংৰাজী নামটো জানি লওক।

আমাৰ দেশৰ আটাইতকৈ বিখ্যাত সুস্বাদু খাদ্য চিঙৰাক ইংৰাজীত ৰিছ’লে (Rissole) বুলি কোৱা হয়।