বলীউডৰ এটা বিখ্যাত পৰিয়ালৰ কাহিনী

কোনোবা যদি দশম শ্ৰেণী উত্তীৰ্ণ আন কোনোবাই আকৌ পাৰেই কৰিব নোৱাৰিলে স্কুলৰ দেওনা। তথাপিতো দেশজুৰি চৰ্চিত, জনপ্ৰিয়, সম্ৰান্ত, এইটো পৰিয়াল। কেৱল জনপ্ৰিয় বা প্ৰতিভাশালীয়েই নহয়, তাৰ সমান্তৰালকৈ বিতৰ্কিতও এই পৰিয়ালটো।

বলীউডত দীৰ্ঘদিন ধৰি খোপনি পুতি থকা এটা পৰিয়ালৰ কথা ক’বলৈ ওলাইছোঁ আজি। এইটোৱেই হৈছে পৰিয়াল হিচাপে বলীউডত প্ৰতিষ্ঠা লাভ কৰা প্ৰথমটো পৰিয়াল। এই পৰিয়ালৰ দপদপনিত বলীউড এৰি যাবলগা হৈছিল অনেক প্ৰতিভাধৰে। সুযোগ লাভৰ পৰা বঞ্চিত হৈছিল অনেক প্ৰতিভাশালী যুৱক-যুৱতী।

বলীউডৰ কাপুৰ পৰিয়াল। শেহতীয়াকৈ পালন কৰা হৈছে হিন্দী ছবি জগতৰ মহান শ্ব’মেন হিচাপে পৰিচিত ৰাজ কাপুৰৰ ১০০ বছৰীয়া জয়ন্তী। এইটো পৰিয়ালৰ পৰা শতাধিক অভিনেতা-অভিনেত্রী ওলাইছে। ইয়াৰ ভিতৰত হৈছে ৰাজ কাপুৰ, শম্মি কাপুৰ, শশী কাপুৰ, ঋষি কাপুৰ, ৰণধীৰ কাপুৰ, ববিতা, নীতু কাপুৰ, গীতা বালি, ৰণবীৰ কাপুৰ, কৰীনা কাপুৰ, কৰিশ্মা কাপুৰ, আৰু আলিয়া ভাট আদি। অৱশ্যে ছুপাৰষ্টাৰ হ’লেও তেওঁলোকৰ শিক্ষাগত অৰ্হতা তেনেই কম।

এইটো পৰিয়ালত মাত্র এজনেই স্নাতক ডিগ্রী লাভ কৰিছে। তেওঁ হ’ল আদিত্য ৰাজ কাপুৰ। ছামি কাপুৰৰ পুত্ৰ আদিত্যই একমাত্র সন্তান, যিয়ে ২০২৩ চনত ইন্দিৰা গান্ধী ৰাষ্ট্ৰীয় মুক্ত বিশ্ববিদ্যালয়ৰ পৰা ৬৭ বছৰ বয়সত দর্শন বিষয়ত স্নাতক ডিগ্রী অর্জন কৰিছিল।

উল্লেখ্য যে বলীউডত নেপটিজমৰ পোহাৰ মেলা এই পৰিয়ালটোৰ বাবেই বহু অভিনেতা অভিনেত্ৰীয়ে বঞ্চিত হৈছিল সুযোগ লাভৰ পৰা। নেপটিজিমেৰে বলীউডৰ জগতখনক কলংকৃত কৰাৰ অভিযোগো আছে এই পৰিয়ালটোৰ বিৰুদ্ধে। শেহতীয়াকৈ আকৌ আন এক বিতৰ্কত সোমাই পৰিছে এই পৰিয়ালটো।