কেন্দ্ৰীয় বাজেট ২০২৫ঃ প্ৰতিৰক্ষা খণ্ডৰ বাজেট ৯.৫৫ শতাংশ বৃদ্ধিৰ ঘোষণা নিৰ্মলা সীতাৰমণৰ

কেন্দ্ৰীয় বাজেটত প্ৰতিৰক্ষা খণ্ডৰ বাবে আবণ্টন বৃদ্ধি কৰাৰ প্ৰস্তাৱ বিত্তমন্ত্ৰী নিৰ্মলা সীতাৰমণৰ। শনিবাৰে লোকসভাত বাজেট প্ৰস্তাৱ পাঠ কৰি নিৰ্মলা সীতাৰমণে ঘোষণা কৰে যে প্ৰতিৰক্ষা খণ্ডৰ বাবে ৬.৮১ লাখ কোটি টকা আবণ্টন দিয়া হ’ব। যিটো যোৱা বছৰৰ ৬.২ লাখ কোটি টকাতকৈ ৯.৫৫ শতাংশ বেছি।

ইয়াৰে যুঁজাৰু বিমান আৰু বিমানৰ ইঞ্জিনৰ মূলধন ব্যয় ৪৮,৬১৪ কোটি টকা বুলি অনুমান কৰা হৈছে। নৌসেনা খণ্ডৰ বাবে নিৰ্মলা সীতাৰমণে ২৪,৩৯০ কোটি টকা আবণ্টন দিছে। এই বাজেটত অন্যান্য সামগ্ৰীৰ বাবে অতিৰিক্ত ৬৩,০৯৯ কোটি টকা ধাৰ্য কৰা হৈছে।

চলিত বৰ্ষৰ আৰম্ভণিতে প্ৰতিৰক্ষা মন্ত্ৰী ৰাজনাথ সিঙে ২০২৫ চন সংস্কাৰৰ বছৰ হ’ব বুলি কৈছিল। অনাগত মাহত আমি কেইবাটাও সংস্কাৰৰ ব্যৱস্থা দেখিম যিবোৰৰ ওপৰত আমাৰ সামৰিক কমাণ্ডে ইয়াৰ ওপৰত চকু ৰাখিব। যিকোনো দেশৰ প্ৰতিৰক্ষা বাজেট ইয়াৰ কৌশলগত শক্তি আৰু ক্ৰমবৰ্ধমান সামৰিক ক্ষমতাৰ প্ৰতিফলন। বিশেষকৈ চীনৰ সৈতে সম্পৰ্ক আৰু পাকিস্তানৰ সৈতে দৈনন্দিন সীমা সমস্যাৰ ক্ষেত্ৰত ভাৰতে কঠিন প্ৰত্যাহ্বানৰ সন্মুখীন হৈছে। গতিকে সক্ৰিয় আৰু অৱসৰপ্ৰাপ্ত জোৱানসকলৰ বাবে কল্যাণমুখী ব্যৱস্থাৰ লগতে অস্ত্ৰ-শস্ত্ৰ আৰু প্ৰযুক্তিৰ বিকাশ কৰাটো অতি প্ৰয়োজনীয়।