অসম জাতীয়তাবাদী যুৱ-ছাত্ৰ পৰিষদ, নাজিৰা আঞ্চলিক সমিতিৰ মুখপত্র উন্মোচন

অসম আৰু অসমীয়াৰ হকে অবিৰত সংগ্ৰাম কৰি অহা অৰাজনৈতিক ছাত্ৰ সংগঠন অসম জাতীয়তাবাদী যুৱ-ছাত্ৰ পৰিষদ, নাজিৰা আঞ্চলিক সমিতিৰ টকৌ আলিস্থিত কাৰ্যালয়ত গ্ৰন্থ উন্মোচনী সভা অনুষ্ঠিত হয়।

গ্ৰন্থ উন্মোচনী সভাত অসম জাতীয়তাবাদী যুৱ-ছাত্ৰ শিৱসাগৰ জিলা সমিতিৰ সভাপতি পলাশ ৰাজকোঁৱৰ,উপ-সভাপতি অভিজিৎ গগৈ, প্ৰাক্তন অসম জাতীয়তাবাদী যুৱ-ছাত্ৰ পৰিষদৰ নেতা তথা সমাজকৰ্মী ভবানন্দ বড়া,শিক্ষাবিদ্বয় ড০গীতিমণি হাতীকাকতি, কবি চৈয়দা ৱাহিদা বেগম ,আটাছু  শিৱসাগৰ জিলা সমিতিৰ উপ-সভাপতি মিন্টু দুৱৰা,নাজিৰা আঞ্চলিক সাহিত্য সভাৰ সভাপতি ৰুবুল হাতীকাকতি, সংবাদকৰ্মী নয়নমণি ভৰদ্বাজ বিশিষ্ট অতিথি হিচাপে উপস্থিত থাকে ।

ইয়াৰ পিছতে ভাস্কৰজ্যোতি মহন্ত আৰু চিত্ৰশিল্পী ৰোহিত বৰুৱাই সম্পাদনা কৰা অবিৰত যাত্ৰা শীৰ্ষক ২০২৫ বৰ্ষৰ অসম জাতীয়তাবাদী যুৱ-ছাত্ৰ পৰিষদ নাজিৰা আঞ্চলিক সমিতিৰ মুখপত্র খন আনুষ্ঠানিকভাবে উন্মোচন কৰে শিক্ষাবিদ ড০গীতিমণি হাতীকাকতিয়ে।

সভাত অসম জাতীয়তাবাদী যুৱ-ছাত্ৰ পৰিষদ শিৱসাগৰ জিলা সমিতিৰ সমাজসেৱা সম্পাদক বিকি বৰচেতীয়া,নাজিৰা আঞ্চলিক সমিতিৰ সাধাৰণ সম্পাদক বিপ্লৱ গগৈ, যুটীয়া সম্পাদক অভিজিৎ কোঁৱৰ, নাজিৰা মহাবিদ্যালয় গোটৰ বিকাশ হাজৰিকা, নাজিৰা আঞ্চলিক সমিতিৰ দুৰ্লভ দত্ত, মইনা ফুকন,দেৱজিত দাসকে ধৰি আন সদস্য সকল উপস্থিত থাকে।