মহিলা ডকাইতৰ সন্ত্ৰাস : অকলশৰীয়া বৃদ্ধাক নিৰ্মমভাবে আক্ৰমণ

দেওবাৰে সন্ধিয়া তেজপুৰৰ সমীপৱৰ্তী দিপটাত দুগৰাকী বৃদ্ধাক আক্ৰমণ কৰে দুৰ্বিত্তই।

জানিব পৰা মতে, দুগৰাকী অচিনাক্ত যুৱতীয়ে দৰ্শনাৰ্থীৰ ৰূপ লৈ ভুক্তভোগীৰ বাসগৃহত প্ৰৱেশ কৰি ডকাইতিৰ চেষ্টা চলায়।

স্থানীয় সূত্ৰৰ পৰা জানিব পৰা মতে, ৭৩ বছৰীয়া লক্ষেশ্বৰী শইকীয়া আৰু ৭৬ বছৰীয়া প্ৰিয়াবালা শইকীয়াক যুৱতী দুগৰাকীয়ে হাত ভৰি আৰু মুখ বান্ধি প্ৰহাৰ কৰে।

অভিযোগ অনুসৰি যুৱতী দুগৰাকীয়ে ঘৰৰ সম্পত্তি লুটপাত কৰাৰ উদ্দেশ্যে আহিছিল।

আৰক্ষীয়ে তদন্ত আৰম্ভ কৰি ওচৰৰ অঞ্চলৰ চিচিটিভি ফুটেজ পৰ্যালোচনা কৰি সন্দেহযুক্ত লোকক চিনাক্ত কৰিছে। ইফালে দুয়োগৰাকী ভুক্তভোগীয়ে আঘাতৰ পৰা সুস্থ হৈ উঠিছে।ভৱিষ্যতে এনেধৰণৰ ঘটনা ৰোধ কৰিবলৈ স্থানীয় ৰাইজে অঞ্চলটোত নিৰাপত্তা আৰু আৰক্ষীৰ টহল বৃদ্ধিৰ দাবী জনাইছে।