৩০ এপ্ৰিলত, ঘোষণা হ’ব উচ্চতৰ মাধ্যমিক-২০২৫ৰ ফলাফল! নিশ্চিত কৰিলে শিক্ষামন্ত্ৰী ৰানোজ পেগুৱে

২০২৫ বৰ্ষৰ উচ্চতৰ মাধ্যমিক (এইচ এছ) পৰীক্ষাৰ ফলাফল ৩০ এপ্ৰিল, ২০২৫ তাৰিখে পুৱা ৯:০০ বজাত প্ৰকাশ কৰা হ’ব। ঘোষণা কৰিলে শিক্ষামন্ত্ৰী ৰানোজ পেগুৱে।

মন্ত্ৰী পেগুৱে ছ’চিয়েল মিডিয়া প্লেটফৰ্ম X-ত এই ঘোষণা কৰি কয়, “জনাবলৈ পাই সুখী যে কাইলৈ (৩০-০৪-২০২৫) পুৱা ৯:০০ বজাত কলা, বিজ্ঞান, বাণিজ্য, আৰু বৃত্তিমূলক ধাৰাসমূহৰ উচ্চতৰ মাধ্যমিক ২০২৫ৰ ফলাফল ঘোষণা কৰা হ’ব। অতি সোনকালেই অসম উচ্চতৰ মাধ্যমিক শিক্ষা পৰিষদে (AHSEC) আনুষ্ঠানিক অধিসূচনা জাৰি কৰিব। ২০২৫ বৰ্ষত মুঠ ৩,০২,৪২০ গৰাকী ছাত্ৰ-ছাত্ৰীয়ে এইচ এছ পৰীক্ষাত অৱতীৰ্ণ হৈছিল।   

অসম উচ্চতৰ মাধ্যমিক শিক্ষা পৰিষদে (AHSEC) এই ফলাফল প্ৰকাশৰ বাবে সকলো প্ৰস্তুতি সম্পূৰ্ণ কৰিছে। মন্ত্ৰী পেগুৱে জনোৱা মতে, ফলাফল ঘোষণাৰ পিছত ছাত্ৰ-ছাত্ৰীসকলে পৰিষদৰ আনুষ্ঠানিক ৱেবছাইট আৰু অন্যান্য নিৰ্দিষ্ট পৰ্টেলৰ জৰিয়তে তেওঁলোকৰ ফলাফল পৰীক্ষা কৰিব পাৰিব।

অধিক তথ্যৰ বাবে ছাত্ৰ-ছাত্ৰী আৰু অভিভাৱকসকলে অসম উচ্চতৰ মাধ্যমিক শিক্ষা পৰিষদৰ আনুষ্ঠানিক ৱেবছাইট চাব পাৰে  https://ahsec.assam.gov.in/