আমেৰিকাৰ ফাৰ্ষ্ট লেডী মেলানিয়া ট্ৰাম্পৰ স্লোভেনিয়াত থকা ব্ৰঞ্জৰ মূৰ্তি অন্তৰ্ধান, তদন্ত আৰক্ষীৰ

স্লোভেনিয়াৰ নিজৰ গৃহ চহৰৰ ওচৰত মেলানিয়া ট্ৰাম্পৰ ব্ৰঞ্জৰ মূৰ্তিটো অগ্নিসংযোগকাৰীয়ে ক্ষতিগ্ৰস্ত কৰা কাঠৰ মূৰ্তি এটাৰ ঠাই লোৱাৰ পাঁচ বছৰৰ পাছত অন্তৰ্ধান হৈছে।

স্লোভেনিয়াৰ আৰক্ষীয়ে জনোৱা মতে, মঙলবাৰে প্ৰতিমূৰ্তিটো থকা ৰ’জনো গাঁৱৰ পৰা চুৰি হোৱাৰ কথা তেওঁলোকক জনোৱা হয়।

শুকুৰবাৰে আৰক্ষীৰ মুখপাত্ৰ আলেংকা ড্ৰেনিক ৰেংগুছে এক বিবৃতিত কয় যে বিষয়াসকলে “অপৰাধস্থলী পৰিদৰ্শন কৰিছিল আৰু তথ্য সংগ্ৰহ কৰিছে। “তদন্তকাৰী ন্যায়াধীশ আৰু জিলা ৰাজ্যিক প্ৰছিকিউটৰক চুৰিৰ বিষয়ে অৱগত কৰা হৈছে।” কৰ্তৃপক্ষই ইয়াৰ বাহিৰে আৰু কোনো সবিশেষ জনোৱা নাই।

স্লোভেনিয়াৰ স্থানীয় সংবাদ মাধ্যমত প্ৰকাশিত ফটোত দেখা গৈছে যে প্ৰতিমূৰ্তিটোৰ বেছিভাগেই কাটি পেলোৱা হৈছে, মাত্ৰ ভৰি আৰু ভৰিৰ গোৰোহা থিয় হৈ থকা গছৰ মূৰাত সংলগ্ন হৈ আছে।

স্লোভেনিয়াৰ ৰাজধানী লিউব্লিয়ানাৰ পৰা প্ৰায় ৯০ কিলোমিটাৰ পূবে অৱস্থিত সৰু, চিত্ৰময় চহৰ চেভনিকাৰ ওচৰৰ এখন নদীৰ কাষত এই মূৰ্তিটো আছিল।

এই ব্ৰঞ্জৰ মূৰ্তিটো চুৰি হোৱাৰ আগতে ইয়াৰ মূল কাঠৰ অৱতাৰটো ২০২০ চনৰ জুলাই মাহত দুস্কৃতিকাৰীয়ে জ্বলাই দিছিল। বেয়াকৈ জ্বলি যোৱাৰ পিছত ইয়াক প্লিন্থৰ পৰা আঁতৰাই সেই বছৰৰ শেষৰ ফালে স্লোভেনিয়াৰ কোপাৰ চহৰৰ এখন আৰ্ট গেলেৰীত আৰু ২০২৩ চনত ক্ৰ’ৱেচিয়াত অনুষ্ঠিত হোৱা এখন প্ৰদৰ্শনীত প্ৰদৰ্শিত কৰা হয়।

শিল্পী ব্ৰেড ডাউনীয়ে চিএনএনক জনোৱা মতে, তেওঁ সদায় প্ৰতিষ্ঠানিক পৰিৱেশত প্ৰদৰ্শন কৰিবলৈ মূৰ্তিটোৰ ব্ৰঞ্জৰ সংস্কৰণ নিৰ্মাণ কৰাৰ উদ্দেশ্য আছিল যদিও বেয়াকৈ জ্বলি যোৱাৰ পিছত কাঠৰ ভাস্কৰ্য্যটোৰ ঠাইত ইয়াক ব্যৱহাৰ কৰাৰ সিদ্ধান্ত লৈছিল।

ডাউনীয়ে প্ৰথমে মেলানিয়া ট্ৰাম্পৰ সৈতে একেখন চিকিৎসালয়তে আৰু একে বছৰতে জন্মগ্ৰহণ কৰা স্থানীয় ভাস্কৰ মেক্সি নামেৰে বেছি পৰিচিত এলেছ জুপেভকৰ পৰা কাঠৰ ভাস্কৰ্ষটো লৈছিল।

২০১৭ চনত স্বামীৰ প্ৰথম ৰাষ্ট্ৰপতি পদৰ অভিষেক অনুষ্ঠানত পিন্ধা আকাশী নীলা ৰঙৰ পোছাকত ফাৰ্ষ্ট লেডীগৰাকীৰ কিছু বিমূৰ্ত চিত্ৰণে স্থানীয় লোকৰ পৰা মিশ্ৰিত সমালোচনা লাভ কৰিছিল।

চেভনিকা হৈছে ৫ হাজাৰ লোকৰ মসৃন চহৰ যিয়ে নিজৰ আটাইতকৈ বিখ্যাত কন্যাৰ পৰা লাভৱান হৈছে, পৰ্যটনৰ পথত নিজকে দৃঢ়ভাৱে স্থান দিছে আৰু মৌ, চকলেট আৰু কেককে ধৰি মেলানিয়া থিমৰ বিভিন্ন সামগ্ৰী বিক্ৰী কৰি আহিছে।