মগজুৰ কৰ্কট ৰোগত নতুন ঔষধৰ যুগান্তকাৰী সফলতা! ৪০ বছৰীয়া ৰোগীৰ আৰোগ্যই দেখুৱালে আশাৰ ৰেঙণি
মগজুৰ কৰ্কট ৰোগ, বিশেষকৈ ‘গ্লিঅ’ব্লাষ্টোমা’ (Glioblastoma) দৰে মাৰাত্মক আৰু দুৰাৰোগ্য ৰোগক এতিয়াও চিকিৎসা বিজ্ঞানৰ এক বৃহৎ প্ৰত্যাহ্বান হিচাপে গণ্য কৰা হয়। এই ৰোগ এবাৰ তৃতীয় বা চতুৰ্থ পৰ্যায়ত উপনীত হ’লে, সম্পূৰ্ণ আৰোগ্য প্ৰায় অসম্ভৱ বুলি গণ্য কৰা হয়। কিন্তু সাম্প্ৰতিক সময়ত ইউনিভাৰ্চিটি কলেজ লণ্ডনৰ হাস্পতালত হোৱা এক গৱেষণাই দেখুৱাইছে আশাৰ ৰেঙণি।
গৱেষকসকলে সদ্য উন্নয়ন কৰা এক ইমিউন’থেৰাপি-ভিত্তিক ঔষধেৰে ৪০ বছৰীয়া বেন ট্ৰটমেন নামৰ এজন ৰোগীক মগজুৰ কৰ্কট ৰোগীক আৰোগ্য কৰিবলৈ সক্ষম হৈছে। যদিও এই ঔষধৰ ক্লিনিকেল পৰীক্ষা এতিয়াও চলি আছে, তথাপি এই সফলতা চিকিৎসা ক্ষেত্ৰত এক গুৰুত্বপূর্ণ মাইলৰ খুটি হিচাপে বিবেচিত হৈছে।
বিশেষজ্ঞসকলে কয় যে, এই নতুন ইমিউন’থেৰাপি প্ৰক্ৰিয়াই কেমোথেৰাপি আৰু ৰেডিঅ’থেৰাপিৰ বিকল্প হিচাপে বিকশিত হ’বলৈ সক্ষম। কেমো আৰু ৰেডিঅ’থেৰাপিয়ে আক্ৰন্ত কোষ ধ্বংস কৰাৰ সময়ত সুস্থ কোষবোৰো ক্ষতিগ্ৰস্ত কৰে, ফলত শৰীৰৰ সামগ্ৰিক ৰোগ প্ৰতিৰোধ ক্ষমতা হ্ৰাস পায়। কিন্তু, ইমিউন’থেৰাপীয়ে ৰোগীৰ নিজৰ ৰোগ প্ৰতিৰোধ ক্ষমতা সক্ৰিয় কৰি ক্ৰমান্বয়ে কৰ্কট ৰোগৰ বিৰুদ্ধে যুঁজিবলৈ সক্ষম কৰি তুলে। এই চিকিৎসা পদ্ধতিত কোষবোৰৰ অস্বাভাৱিক ৰূপান্তৰ ধৰা পেলাই সুস্থ কোষ আৰু কলাবোৰক সজাগ কৰি তোলে।
গৱেষকসকলে দাবী কৰিছে, এই নতুন ঔষধে ইমিউন’থেৰাপিৰ আধাৰত কাম কৰি শৰীৰৰ স্বাভাৱিক প্ৰতিৰোধ ক্ষমতাক পুনৰ সংগঠিত কৰে। ফলস্বৰূপে, ৰোগী নিজৰ শৰীৰ জড়িয়তে কৰ্কট ৰোগৰ বিৰুদ্ধে যুঁজিবলৈ সক্ষম হয়। বেন ট্ৰটমেনৰ সফল আৰোগ্যই এই চিকিৎসাৰ সম্ভাৱনাৰ প্ৰমাণ স্বৰূপ।
তদুপৰি, বেনৰ দৰে বহু ৰোগীৰ ওপৰত এই ঔষধৰ ক্লিনিকেল পৰীক্ষা চলি আছে। গৱেষণা সফল হ’লে মগজুৰ কেন্সাৰৰ দৰে দুৰাৰোগ্য ৰোগৰ ক্ষেত্ৰত এক নতুন যুগৰ সূচনা হ’ব বুলি চিকিৎসকসকলে আশা কৰিছে।
চিকিৎসা জগতত এই নতুন সম্ভাৱনাই কেৱল মগজুৰ কৰ্কট ৰোগৰ ক্ষেত্ৰত নহয়, আন সকলোধৰণৰ কেন্সাৰৰ ক্ষেত্ৰতো এক আশাজনক দিশ উন্মোচন কৰিব পাৰে বুলি মত প্ৰকাশ কৰিছে বিশেষজ্ঞসকলে।
You may also like
অগপ ত্যাগ : এন পি পিত যোগদান প্ৰাক্তন মন্ত্ৰী ভৱেন বৰুৱা, অভিনেতা ব্ৰজেন বৰাৰ
অগপ-বিজেপিৰ মিত্ৰতাৰ পাছতেই আঞ্চলিক দলটোৰ নেতা-কৰ্মীৰ মাজত বৃদ্ধি পাইছে অসন্তুষ্টি। দলৰ নেতৃত্বই নাগৰিকত্ব সংশোধনী বিধেয়কৰ পোষকতা কৰা বিজেপিৰ সৈতে পুনৰ মিত্ৰতাত আৱদ্ধ…
মোদী মন্ত্রী সভাত তেলীক খাদ্য সংসাধন বিভাগ, ৰিজিজুক ক্ৰীড়া আৰু যুৱ কল্যাণৰ স্বতন্ত্ৰ দায়িত্ব
বৃহস্পতিবাৰে সন্ধিয়া প্ৰধান মন্ত্ৰী নৰেন্দ্ৰ মোদী নেতৃত্বাধীন মন্ত্ৰীসভাৰ এগৰাকী ৰাজ্য মন্ত্ৰী হিচাপে শপত গ্ৰহণ কৰা অসমৰ সাংসদ ৰামেশ্বৰ তেলীয়ে খাদ্য সংসাধন উদ্যোগ…
ভাৰততে আছে এছিয়াৰ আটাইতকৈ ধনী গাঁওখন : গাঁওবাসীৰ একাউণ্টত কিমান টকা আছে জানানে?
ভাৰততে আছে এছিয়া মহাদেশৰ আটাইতকৈ ধনী গাঁওখন। এই গাঁওখনৰ গাঁওবাসীৰ বেংক একাউণ্টত থকা টকাৰ পৰিমাণ শুনিলে চকু কপালত উঠিব আপোনাৰো। বেপাৰ-বাণিজ্য আৰু…
লকডাউনৰ মাজতে মহানগৰবাসীক খেদি ফুৰিছে দুই ‘ক’ৰ আতংকই; কি এই দুই ক?
ক’বলৈ গ’লে এতিয়া দুই ‘ক’ৰ আতংকই খেদি ফুৰিছে মহানগৰবাসীক। এফালে যদি সমগ্ৰ ৰাজ্যবাসীক মাৰাত্মক ক’ৰ’না ভাইৰাছে আতংকিত কৰি ৰাখিছে তাৰ সমান্তৰালকৈ বাৰিষাৰ…