বাৰ ডান্সাৰৰ ব্লাউজৰ ভিতৰত টকা ভৰাবলৈ চেষ্টা! বিজেপি শাসিত মধ্যপ্ৰদেশত নিলম্বিত দুই আৰক্ষী বিষয়া

ইণ্টাৰনেটত ভাইৰেল হৈছে এটা ভিডিঅ’, য’ত দুজন আৰক্ষীয়ে বাৰ ডান্সাৰৰ সৈতে নাচি থকা দেখা গৈছে! মধ্যপ্ৰদেশৰ দতিয়াত ভিডিঅ’টোক লৈ বিতৰ্ক তীব্ৰতৰ হৈ পৰাত আৰক্ষী কনিষ্টবল আৰু এ এছ আইক নিলম্বন কৰা হৈছে।

জানিব পৰা মতে, কনিষ্টবল ৰাহুল বৌদ্ধাই জন্মদিন উপলক্ষে এখন বাৰত এক অনুষ্ঠানৰ আয়োজন কৰে। একেখন থানাৰ এ এছ আই সঞ্জীৱ গৌৰো তেওঁৰ লগত আছিল। তেওঁলোকে দুগৰাকী নৃত্যশিল্পীক নিমন্ত্ৰণ কৰিলে।

ভাইৰেল ভিডিঅ’টোত দেখা গৈছে যে নৃত্যশিল্পীৰ কাষ চাপিছে আৰক্ষীয়ে। আনকি এগৰাকী নৃত্যশিল্পীৰ ব্লাউজৰ ভিতৰত টকা ভৰাই দিবলৈও চেষ্টা কৰে এ এছ আই গৰাকীয়ে।

ভিডিঅ’ ভাইৰেল হোৱাৰ লগে লগে গৰিহণাৰ ধুমুহা ধুমুহাৰ সৃষ্টি হয়।ইতিমধ্যে আৰক্ষী দুজনক নিলম্বন কৰা হৈছে। তদন্ত শেষ নোহোৱালৈকে তেওঁলোকে কামত যোগদান কৰিব নোৱাৰিব। আৰক্ষী অধীক্ষক সুৰজ ভাৰ্মাই কয় যে আৰক্ষী বিভাগে নিজৰ কৰ্মচাৰীৰ পৰা এনে আচৰণ সহ্য নকৰে। ফলত আৰক্ষীৰ সামগ্ৰিক ভাবমূৰ্তি কলংকিত হৈ পৰিছে। আৰক্ষী দুগৰাকীৰ বিৰুদ্ধে তদন্ত কৰা হ’ব আৰু দুয়োৰে বিৰুদ্ধে ব্যৱস্থা গ্ৰহণ কৰা হ’ব বুলিও কয়।