অসাৰ হ’ল সকলো অভিযোগ প্ৰতি অভিযোগ! বনতাৰাক অপৰাধ মুক্ত ঘোষণা কৰিলে সৰ্বোচ্চ ন্যায়ালয়ে

বনতাৰাক অপৰাধ মুক্ত কৰিলে ভাৰতৰ উচ্চতম ন্যায়ালয়ে। গুজৰাটৰ জামনগৰত ৰিলায়েন্স ফাউণ্ডেচনৰ দ্বাৰা পৰিচালিত বন্যপ্ৰাণী উদ্ধাৰ কেন্দ্ৰ বনতাৰাৰ জীৱ-জন্তুৰ স্থানান্তৰ কৰণত সকলো প্ৰাসংগিক নিয়ম মানি চলিছে বুলি মত পোষণ কৰিছে উচ্চতম ন্যায়ালয়ে। প্ৰাক্তন ন্যায়াধীশ জে চেলামেশ্বৰৰ নেতৃত্বত বিশেষ তদন্তকাৰী দল (এছ আই টি)ৰ প্ৰতিবেদনৰ ভিত্তিত ভাৰত আৰু বহিঃৰাজ্যৰ হাতীকে ধৰি জীৱ-জন্তু স্থানান্তৰ কৰণৰ ক্ষেত্ৰত এছ আই টিয়ে কোনো অন্যায়ৰ সন্ধান পোৱা নাই বুলি প্ৰতিবেদন। ন্যায়াধীশ পংকজ মিঠাল আৰু পি বি ভাৰালেৰ বিচাৰপীঠে এই প্ৰতিবেদন পুনৰীক্ষণ কৰি কয় যে ইয়াৰ দ্বাৰা বন্যপ্ৰাণী আইন সম্পূৰ্ণৰূপে পালন কৰা দেখা গৈছে।

উল্লেখ্য যে জুলাই মাহত মহাৰাষ্ট্ৰৰ কলাহপুৰৰ এটা মন্দিৰৰ পৰা মাধুৰী নামৰ এটা অসুস্থ হাতীক বনতাৰালৈ স্থানান্তৰিত কৰাৰ পিছত দাখিল কৰা দুখন আবেদনৰ পিছতে এই গোচৰটো উদ্ভৱ হৈছে। ইয়াৰ পিছত অনিয়মৰ অভিযোগ উত্থাপন কৰি প্ৰতিবাদৰ সাব্যস্ত কৰে। ১৯৭২ চনৰ বন্যপ্ৰাণী সুৰক্ষা আইন, চিৰিয়াখানাৰ নিয়ম, বিপন্ন প্ৰজাতিৰ ওপৰত আন্তঃৰাষ্ট্ৰীয় সন্ধি মানি চলিছে নে নাই পৰীক্ষা কৰিবলৈ আদালতে ২৫ আগষ্টত এছ আই টি গঠন কৰিছিল। এছ আই টিয়ে কেন্দ্ৰটো পৰিদৰ্শন কৰি বিশেষজ্ঞৰ পৰামৰ্শ লৈ সকলো নিয়ম পালন কৰা বুলি নিশ্চিত কৰে।

শুনানিৰ সময়ত ছলিচিটৰ জেনেৰেল তুষাৰ মেহতা আৰু জ্যেষ্ঠ অধিবক্তা হৰিশ ছালভেকে ধৰি চৰকাৰ আৰু বনতাৰাৰ অধিবক্তাই সম্পূৰ্ণ প্ৰতিবেদন ৰাজহুৱা কৰাত আপত্তি প্ৰকাশ কৰে। যে ইয়াৰ ফলত অধিক উৰাবাতৰিৰ সৃষ্টি হ’ব পাৰে আৰু কেন্দ্ৰটোৰ গোপনীয়তা ভংগ হ’ব পাৰে বুলি তেওঁলোকে যুক্তি দিছিল। বিচাৰপীঠে ইয়াক মুকলি নকৰাৰ বাবে সন্মতি প্ৰকাশ কৰি আৰু কোনো প্ৰশ্ন বা অভিযোগ উত্থাপন কৰিব নালাগে বুলি উল্লেখ কৰি গোচৰটো বন্ধ কৰে। ন্যায়াধীশ মিথালে উল্লেখ কৰে যে বনতাৰা দৰে ভাল প্ৰচেষ্টাক সমৰ্থন কৰা উচিত, আৰু যদি জীৱ-জন্তু আইনীভাৱে অধিগ্ৰহণ কৰা হয়, তেন্তে কোনো সমস্যা নাই। অপ্ৰয়োজনীয় বিবাদ নোহোৱাকৈ দেশৰ বাবে ইতিবাচক উন্নয়নৰ অনুমতি দিবলৈ আদালতে আহ্বান জনায়।