CID নহয়, জুবিনদাৰ মৃত্যুৰ তদন্ত CBI ক দিব লাগে : দাবী বিধায়ক অখিল গগৈৰ

জুবিন গাৰ্গৰ অকাল মৃত্যুক লৈ ক্ষোভ প্ৰকাশ কৰি শিৱসাগৰৰ বিধায়ক অখিল গগৈয়ে CBI তদন্তৰ আহ্বান জনাইছে।

তেওঁ কৈছে যে CID নহয়, জুবিনদাৰ মৃত্যুৰ তদন্তৰ দায়িত্ব CBI ক দিব লাগে।

সংবাদ মাধ্যমৰ সৈতে হোৱা কথা-বতৰাত গগৈয়ে নৰ্থ-ইষ্ট ফেষ্টিভেলৰ আয়োজক সকলক বিৰুদ্ধে ব্যৱসায়িক স্বাৰ্থক অগ্ৰাধিকাৰ দিয়াৰ অভিযোগ উত্থাপন কৰে।

ভ্ৰমণৰ পূৰ্বে জুবিনৰ স্বাস্থ্য ভাল নাছিল বুলি কোৱা ভিডিঅ’ ফুটেজৰ কথা উল্লেখ কৰি তেওঁ কয়, ‘জুবিনদা অসুস্থ আছিল, তথাপিও তেওঁক এই অনুষ্ঠানলৈ লৈ যোৱা হৈছিল।”

তেওঁ কয়, “জুবিনদাই এবাৰ লাইফ জেকেট পিন্ধিছিল, তথাপিও তেওঁ সেইটো আঁতৰাই পেলাইছিল। জাহাজত থকা কোনোৱেই তেওঁৰ সুৰক্ষা নিশ্চিত কৰা নাছিল। জুবিন গাৰ্গৰ নিৰাপত্তাৰ সৈতে আপোচ কৰা হৈছিল ব্যৱসায়িক আৰু সাংগঠনিক স্বাৰ্থক অগ্ৰাধিকাৰ দিয়া হৈছিল। ই এক ডাঙৰ ট্ৰেজেদী।