নিৰ্বাচনৰ পিছতেই তাঞ্জানিয়াত ভয়ংকৰ পৰিস্থিতি : প্ৰায় ৭০০ প্ৰতিবাদকাৰীৰ মৃত্যু

বুধবাৰৰ সাধাৰণ নিৰ্বাচনৰ পিছত তিনিদিনীয়া প্ৰতিবাদৰ সময়ত শ শ লোকৰ মৃত্যু হৈছে বুলি তাঞ্জানিয়াৰ মূল বিৰোধী দলটোৱে প্ৰকাশ কৰিছে।

মৃত্যুৰ সংখ্যাৰ সন্দৰ্ভত দাবী বেলেগ বেলেগ। দেশজুৰি ইণ্টাৰনেট বন্ধ হোৱাৰ বাবে এই সংখ্যাসমূহ পৰীক্ষা কৰাটো কঠিন হৈ পৰিছে।

বিৰোধী দলটোৰ এগৰাকী মুখপাত্ৰ চাডেমাই এএফপিক জনোৱা মতে, নিৰাপত্তাৰক্ষীৰ সৈতে হোৱা সংঘৰ্ষত “প্ৰায় ৭০০” লোক নিহত হৈছে।

তাঞ্জানিয়াৰ এক কূটনৈতিক সূত্ৰই বিবিচিক জনোৱা মতে, বিশ্বাসযোগ্য তথ্যই কমেও ৫০০ লোকৰ মৃত্যুৰ ইংগিত দিয়ে।

চৰকাৰে হিংসাৰ মাত্ৰা লুকুওৱাৰ চেষ্টা চলাইছে আৰু অশান্তি ৰোধৰ বাবে সান্ধ্য আইন বৃদ্ধি কৰিছে।

দেশৰ কেইবাখনো চহৰত অধিকাংশ যুৱকে নিৰ্বাচনক অন্যায় আখ্যা দি ৰাজপথলৈ ওলাই আহিছে।

প্ৰতিবাদকাৰীৰ অভিযোগ, চৰকাৰে বিৰোধীৰ গুৰুত্বপূৰ্ণ নেতাক দমন কৰি গণতন্ত্ৰক ভেঙুচালি কৰিছে। এজন বিৰোধী নেতা জেলত থকাৰ বিপৰীতে আন এজনক কাৰিকৰী দিশত নিৰ্বাচনৰ পৰা অযোগ্য ঘোষণা কৰা হৈছে।ইয়াৰ ফলত তাঞ্জানিয়াৰ ৰাষ্ট্ৰপতি ছামিয়া চুলুহু হাছান আৰু তেওঁৰ দল চামা চা মাপিণ্ডুজি (চিচিএম)ৰ জয়ৰ সম্ভাৱনা বৃদ্ধি পাইছে।