নিউয়ৰ্কৰ ৰাজনৈতিক ইতিহাসত সংযোগ হ’ল এক নতুন অধ্যায়ঃ জয়ী হ’ল প্ৰথমগৰাকী ভাৰতীয় মূলৰ প্ৰাৰ্থী

ভাৰতীয় মূলৰ ডেম’ক্ৰেট প্ৰাৰ্থী জোহৰাণ মামদানীয়ে নিউয়ৰ্কৰ ৰাজনৈতিক ইতিহাসত এক গুৰুত্বপূৰ্ণ জয়েৰে নিউয়ৰ্ক ষ্টেটৰ মেয়ৰ হিচাপে নিৰ্বাচিত হৈছে। তেওঁৰ মূল প্ৰতিদ্বন্দ্বী আছিল ট্ৰাম্প সমৰ্থিত ৰিপাব্লিকান প্ৰাৰ্থী কাৰ্টিছ স্লিৱা আৰু প্ৰাক্তন গভৰ্ণৰ এণ্ড্ৰু কুমো।

প্ৰতিবেদন অনুসৰি, মামদানীয়ে প্ৰায় ৫০ শতাংশৰো অধিক ভোট লাভ কৰি জয়লাভ কৰে। এই জয়েৰে তেওঁ নিউয়ৰ্কৰ ইতিহাসত প্ৰথমগৰাকী মুছলমান তথা এছীয় বংশোদ্ভূৱ আফ্ৰিকাত জন্ম গ্ৰহণ কৰা প্ৰথমজন মেয়ৰ  হিচাপে পৰিগণিত হৈছে।

১৯৯১ চনত উগাণ্ডাৰ কাম্পালাত জন্মগ্ৰহণ কৰা মাত্ৰ ৩৪ বছৰীয়া মামদানী উগাণ্ডাৰ প্ৰখ্যাত শিক্ষাবিদ মাহমুদ মামদানী আৰু প্ৰশংসিত ভাৰতীয় চলচ্চিত্ৰ নিৰ্মাতা মীৰা নাইৰৰ পুত্ৰ।

উল্লেখ্য যে নিৰ্বাচনী প্ৰচাৰৰ সময়ত, মামদানীয়ে প্ৰগতিশীল স্থিতিৰ বাবে বিশেষভাৱে পৰিচিত হৈ পৰিছিল। চিএনএনে প্ৰকাশ কৰা নিৰ্বাচনী প্ৰচাৰৰ সময়ত প্ৰগতিশীল স্থিতিৰ বাবে পৰিচিত মামদানীয়ে দীৰ্ঘদিন ধৰি বাস কৰি অহা বাসিন্দাসকলৰ ভাড়া হ্ৰাস কৰি নিউয়ৰ্ক চহৰৰ বৰ্ধিত জীৱন-যাপনৰ ব্যয় হ্ৰাস কৰাৰ লগতে গৃহ নিৰ্মাণৰ সংকটৰ সৈতে মোকাবিলা কৰাৰ প্ৰতিশ্ৰুতি দিছিল। তেওঁৰ আমুল সংস্কাৰৰ বাৰ্তাই পৰিৱৰ্তন বিচৰা নিউয়ৰ্কৰ লোকসকলৰ মাজত গভীৰ অনুৰণনৰ সৃষ্টি কৰিছিল।

আমেৰিকাৰ ৰাষ্ট্ৰপতি ড’নাল্ড ট্ৰাম্পে মামদানীৰ বিৰুদ্ধে প্ৰচাৰৰ সময়ত তেওঁক “কমিউনিষ্ট প্ৰাৰ্থী” বুলি অভিহিত কৰিছিল। ট্ৰাম্পে ভাবুকি দিছিল যে তেওঁ জয়ী হ’লে নিউয়ৰ্কলৈ ফেডাৰেল পুঁজি বন্ধ কৰা হ’ব। ট্ৰাম্পৰ এই মন্তব্যৰ প্ৰতিক্ৰিয়া প্ৰকাশ কৰি মামদানীয়ে কৈছিল যে এই ভাবুকি কেৱল তেওঁৰ বিৰুদ্ধে নহয়, বৰঞ্চ ই নিউয়ৰ্কবাসীৰ অধিকাৰহে খৰ্ব কৰিছে।

উল্লেখযোগ্য যে এই নিৰ্বাচনত ২০ লাখতকৈও অধিক নিউয়ৰ্কবাসীয়ে ভোটদান কৰিছিল, যিটো বিগত ৫০ বছৰতকৈও অধিক সময়ৰ ভিতৰত সৰ্বাধিক ভোটদান হৈছিল। জোহৰাণ মামদানীয়ে নিউয়ৰ্কৰ ৰাজনৈতিক ইতিহাসত এক নতুন অধ্যায়ৰ সূচনা কৰিছে