অসমত বিখ্যাত অভিনেতা জেকি শ্ৰফৰ ‘সন্তান’!

বলিউদৰ বিখ্যাত অভিনেতা জেকি শ্ৰফৰ সন্তান, জনপ্ৰিয় অভিনেতা টাইগাৰ শ্ৰফৰ সৈতে সাইলাখ মিল থকা অসমৰ ডে’ভিদ নামৰ যুৱক এজনৰ ছবিয়ে ছ’ছিয়েল মিডিয়াত ব্যাপক চৰ্চা লাভ কৰিছে।

টাইগাৰৰ সৈতে চেহেৰাৰ অদ্ভূত সাদৃশ্য থকা এই ডে’ভিদ অসমৰ মঙলদৈৰ যুৱক।

টাইগাৰ অনুৰাগীয়ে তেওঁলোকৰ মৰমৰ অভিনেতাজন বুলি ভাবি য’তে-ত’তে আগুৰি ধৰাৰ ফলত আনকি মুখ ঢাকি ফুৰিব লগা হৈছে ডেভিদে।

‘ক’ৰবালে গ’লে টাইগাৰ বুলি ভাবি বহুত crowd জমা হৈ যায়। টাইগাৰ নহয় বুলি ক’লেও বিমান বন্দৰ বা ৰে’ল ষ্টে’শ্যনত কিছুমান মানুহে বিশ্বাস নকৰে,’ সংবাদ মাধ্যমৰ আগত মন্তব্য ডেভিদৰ।

টাইগাৰ শ্ৰফৰ সৈতে সাদৃশ্যক লৈ বিব্ৰত হ’ব লগা হ’লেও এই সাদৃশ্যক সৌভাগ্য ৰূপেই লোৱা ডেভিদে অৱশ্যে নিজৰ সুকীয়া পৰিচয় গঢ়াক লৈহে আগ্ৰহী।

চণ্ডিগড়ত ফিটনেছ প্ৰশিক্ষক হিচাপে কৰ্মৰত অসমৰ মঙলদৈৰ যুৱকজনে মডেলিঙৰ জগতটো খোজ পেলাইছে।

ফিটনেছ প্ৰশিক্ষক হিচাপে ডেভিদ এমেৰিকাৰ আই এচ এচ এ’ (International Sports Sciences Association) স্বীকৃতিপ্ৰাপ্ত।