৪৩ আছাম ৰাইফলছৰ উদ্যোগত হাফলঙত কফি ৰোপণৰ ওপৰত প্ৰশিক্ষণ শিবিৰ আৰু কৰ্মশালা

৪৩ আছাম ৰাইফলছে ভাৰতীয় কফি ব’ৰ্ডৰ সহযোগত অসমৰ ডিমা হাছাও জিলাৰ হাফলঙত কফি ৰোপণৰ ওপৰত এটা প্ৰশিক্ষণ শিবিৰ আৰু কৰ্মশালাৰ আয়োজন কৰিছে।

এই অৰিয়েণ্টেশ্যন প্ৰগ্ৰেমটোত স্থানীয় জৱাহৰ নবোদয় বিদ্যালয় বিদ্যালয়ৰ শিক্ষক আৰু ছাত্ৰ-ছাত্ৰী সমন্বিতে ১০০গৰাকীতকৈও অধিক  জোৱানে অংশগ্ৰহণ কৰে।

এই কৰ্মশালাটো চলি থকা সময়চোৱাত কফি খেতিৰ বিভিন্ন উপায়সমূহ ব্যাখ্যা কৰা হয়।

ভাৰতীয় কফি ব’ৰ্ডৰ কৰ্মচাৰীসকলৰ তত্বাৱধানত প্ৰশিক্ষণ সম্পন্ন হোৱাৰ পাছত হাফলঙত মোতায়েন ৪৩ অসম ৰাইফলছৰ গেৰিছনে এটা কফি ৰোপণ কাৰ্যসূচীও হাতত লৈছে।

এই অনুষ্ঠানত উপস্থিত থকা জৱাহৰ নবোদয় বিদ্যালয় বিদ্যালয়ৰ অধ্যক্ষ শিক্ষক আৰু ছাত্ৰ-ছাত্ৰীসকলে সোণটিলালৈ স্থানান্তৰিত হ’বলগীয়া বিদ্যালয়খনৰ নতুন চৌহদত কফি খেতি কৰাৰ আগ্ৰহ দেখুৱায়।

জৱাহৰ নবোদয় বিদ্যালয় বিদ্যালয়ৰ অধ্যক্ষ শিক্ষক আৰু ছাত্ৰ-ছাত্ৰীসকল সমন্বিতে সকলো কৰ্মচাৰীয়ে ৪৩ আছাম ৰাইফলছক কফি খেতিৰ ওপৰত আয়োজন কৰা প্ৰশিক্ষণ শিবিৰ আৰু কৰ্মশালাটোৰ বাবে ধন্যবাদ জনায়।

আগষ্টৰ ১৩ তাৰিখে প্ৰশিক্ষণ শিবিৰটোৰ সামৰণি পৰিব। স্বাধীনতা দিৱসৰ সৈতে সংগতি ৰাখি কফি ৰোপণ কাৰ্যসূচী ঘোষণা কৰা হ’ব আৰু প্ৰথমতে ২০০ কফিগছৰ পুলি ৰোপণ কৰাৰ পাছত পৰ্যায়ক্ৰমে আৰু কফিৰ পুলি ৰোপণ কৰি যোৱা হ’ব।