ৰেৱতী  মোহন বৰদলৈ স্মাৰক আন্তঃক্লাব ছুপাৰ ডিভিজন ফুটবল লীগৰ আৰম্ভণি খেলত কেহোকলি বানগ্ৰিম ক্লাব বিজয়ী

আজিৰে পৰা আৰম্ভ হোৱা ৰেৱতী  মোহন বৰদলৈ স্মাৰক আন্তঃক্লাব ছুপাৰ ডিভিজন ফুটবল লীগৰ আৰম্ভণি খেলখনত ডিফেণ্ডিং চেম্পিয়ন কেহোকলি বানগ্ৰিম ক্লাবে ব্লু বাৰ্ড ক্লাবক ৪-১ গ’লৰ ব্যৱধানত পৰাস্ত কৰিছে। এই ফুটবল খেলৰ আয়োজন কৰিছে মঙলদৈ স্পৰ্টছ এছোচিয়েশ্যনে। মঙলদৈ বিদ্যাপীঠৰ খেলপথাৰত ফুটবল মেচখন অনুষ্ঠিত কৰা হৈছে।

বিজয়ী দলটোৰ হৈ চিত্তৰঞ্জন বড়োৱে খেলৰ ১০ মিনিটত এটা আৰু ৪০ মিনিটত এটা মুঠ দুটা গ’ল দিয়ে। আনহাতে সচীন বড়োৱে ১৫ মিনিটত এটা আৰু দেবজিত বড়োৱে ৫০ মিনিটত এটা গ’ল দিয়ে।

আনহাতে ব্লু বাৰ্ডৰ হৈ নুৰুল আমিনে খেলৰ ৩১ মিনিটত একমাত্ৰ গ’লটো দি বিজয়ী দলটোৰ মাজৰ ব্যৱধান হ্ৰাস কৰে।

ইয়াৰ পূৰ্বে ফুটবল প্ৰতিযোগিতাখনৰ উদ্বোধনী কৰিছিল দৰঙৰ অতিৰিক্ত উপায়ুক্ত পংকজ চক্ৰবৰ্তীয়ে। ইয়াত উপস্থিত আছিল মঙলদৈৰ বিধায়ক গুৰুজ্যোতি দাস  আৰু মঙলদৈ স্পৰ্টছ এছোচিয়েশ্যনৰ সভাপতি প্ৰতাপ বৰদলৈ, ট্ৰফি দাতা আৰু মঙলদৈ পৌৰ সভাৰ অধ্যক্ষ আদিয়ে।