সমগ্ৰ দেশৰ লগতে কলিয়াবৰতো উদ্‌যাপন ৭২ সংখ্যক স্বাধীনতা দিৱস 

আজি কুঁৱৰীটোলৰ গান্ধী ময়দানত কলিয়াবৰ মহকুমা প্ৰশাসনৰ উদ্যোগত উদ্‌যাপন কৰা হয় ৭২ সংখ্যক স্বাধীনতা দিৱস। স্বাধীনতা দিৱসৰ পতাকা উত্তোলন কৰে কলিয়াবৰ মহকুমাৰ মহকুমাধিপতি বিতোপন নেওগে।তাৰ পাছত মহকুমাধিপতি গৰাকীয়ে মহাত্মা গান্ধীৰ প্ৰতিছবিত মাল্যাৰ্পণ কৰে। ইয়াৰ পাছত কলিয়াবৰৰ কেইবাখনো বিদ্যালয়ৰ স্কাউট-গাইডৰ দলৰ লগতে কলিয়াবৰ মহাবিদ্যালয়ৰ এনচিচি য়ে অংশগ্ৰহণ কৰা কুচকাৱাচৰ অভিবাদন গ্ৰহণ কৰে মহকুমাধিপতি নেওগে।

দিনজোৰা এই কাৰ্য্যসূচীত ভালেকেইখন বিদ্যালয়ৰ ছাত্র-ছাত্ৰীয়ে খেল-ধেমালিৰ লগতে বিভিন্ন সাংস্কৃতিক অনুষ্ঠানত অংশগ্ৰহণ কৰে।

ইয়াৰ উপৰিও বিয়লি কলিয়াবৰ মহকুমা বনাম কলিয়াবৰ ক্ৰীড়া সন্থাৰ মাজত এখন ফুটবল খেল অনুষ্ঠিত হয়।উক্ত খেলখনত কলিয়াবৰ ক্ৰীড়া সন্থা বিজয়ী হয়।

আনহাতে দিনৰ ভাগত কলিয়াবৰ মহকুমাৰ তৰফৰ পৰা জখলাবন্ধা অসামৰিক চিকিৎসালয়কে ধৰি কলিয়াবৰৰ উলুৱনী,চিমনা, বামুনি আদিৰ গ্ৰাম্য চিকিৎসালয়ত চিকিৎসাধীন হৈ থকা ৰোগীসকলৰ মাজত ফলমূল আৰু খাদ্য সামগ্ৰী বিতৰণ কৰা হয়।