ৰূপালী জয়ন্তী বৰ্ষত ভৰি দিলে বিশ্বনাথৰ কুমলীয়াৰ মালিমাৰাৰ দুৰ্গা পূজাই

সমগ্ৰ দেশত দুৰ্গোৎসৱৰ আনন্দ। কোনোৱে যদি নতুন পৰিকল্পনা কৰিছে তেন্তে কোনোৱে আকৌ পূজা উপলক্ষে নতুন কাপোৰ কিনিবলৈ ভিৰ কৰিছে দোকান সমূহত। তাৰ মাজতে বিশ্বনাথৰ এখন বিশেষ গাঁৱত বিৰাজ কৰিছে উখল-মাখল পৰিবেশৰ।

এই দৃশ্য বিশ্বনাথৰ কুমালিয়াৰ। কুমলীয়াৰ মালিমাৰাত সকলো ওলাই আহিছে একেলগে। দৰাচলতে গাঁওবাসীয়ে প্ৰত্যেক বছৰে এই অঞ্চলত দুৰ্গা পূজা উদযাপন কৰি আহিছে। আৰু এই মালিমাৰা দুৰ্গা পূজাই এইবাৰ ২৫ বছৰ অতিক্ৰম কৰিবলৈ সক্ষম হৈছে যাৰ বাবে এতিয়া বিশ্বনাথৰ এইখন গাঁওত পুৱাৰ পৰা এক উখল-মাখল পৰিৱেশে বিৰাজ কৰিছে।

উল্লেখ্য যে পুৱাৰ ভাগত পতাকা উত্তোলন কৰি চহিদ তৰ্পণৰ পিছত কুমলীয়া অঞ্চলত এক দীঘলীয়া বাৰে ৰহণীয়া পদযাত্ৰা উলিওৱা হয়।

উক্ত অনুষ্ঠানত বিশ্বনাথ মহাবিদ্যালয়ৰ প্ৰাক্তন অধ্যক্ষ ভুবন চন্দ্ৰ চুতীয়াকে ধৰি বিশ্বনাথৰ কেইবাজনো বিশিষ্ট ব্যক্তি উপস্থিত উপস্থিত থাকে । দুৰ্গোৎসৱৰ লগত সংগতি ৰাখি  অহা ১৯ তাৰিখলৈকে অনুষ্ঠিত হ’বলগীয়া এই কাৰ্যসূচীত বিভিন্ন খেল-ধেমালিৰ লগতে বহুতো অনুষ্ঠান অনুষ্ঠিত হ’ব বুলি পূজা সমিতিৰ উদ্যোক্তাসকলে জনাইছে।