শিশু দিৱস উপলক্ষে স্বৰ্ণলতা শিশুকল্যাণ সমিতিৰ সদৌ অসম ভিত্তিত সাহিত্য প্ৰতিযোগিতা

অহা ১৪ নৱেম্বৰত অনুষ্ঠিতব্য শিশু দিৱস উপলক্ষে স্বৰ্ণলতা শিশু কল্যাণ সমিতিয়ে ছাত্ৰ-ছাত্ৰীৰ বাবে এলানি সাহিত্য প্ৰতিযোগিতাৰ আয়োজন কৰিছে।

দ্বিতীয়, তৃতীয় আৰু চতুৰ্থ শ্ৰেণীৰ (ক শাখা) ছাত্ৰ-ছাত্ৰীসকলৰ বাবে স্বৰচিত কবিতা, পঞ্চম, ষষ্ঠ আৰু সপ্তম শ্ৰেণীৰ (খ শাখা) বাবে স্বৰচিত গল্প; অষ্টম, নৱম আৰু দশম শ্ৰেণীৰ (গ শাখা) ছাত্ৰ-ছাত্ৰীসকলৰ বাবে ৰচনা প্ৰতিযোগিতাৰ আয়োজন কৰা হৈছে। এই প্ৰতিযোগিতা সদৌ অসম ভিত্তিত অনুষ্ঠিত হ’ব।

এই প্ৰতিযোগিতাত ভাগ ল’ব বিচৰা ছাত্ৰ-ছাত্ৰীসকলে অহা ৪ নৱেম্বৰৰ ভিতৰত- ‘মেগনাম লক্ষ্মীৰত্ন এনক্লেভ, সূৰুয নগৰ, ত্ৰিবেণী পথ, ছয়মাইল, গুৱাহাটী–২২’ -এই ঠিকনালৈ নিজৰ কবিতা, গল্প, ৰচনা প্ৰেৰণ কৰিব পাৰিব।

আয়োজক স্বৰ্ণলতা শিশুসকল্যাণ সমিতিয়ে জনাইছে যে অসম ভিত্তিত আয়োজিত এই প্ৰতিযোগিতাৰ বিজয়ীসকলক ১৮ নৱেম্বৰত গুৱাহাটীত অনুষ্ঠিত হ’ব লগা সমিতিৰ শিশু দিৱসত মানপত্ৰ আৰু পুৰস্কাৰ প্ৰদান কৰা হ’ব।

ছাত্ৰ-ছাত্ৰীসকলে তেওঁলোকৰ লেখাসমূহ বিদ্যালয়ৰ প্ৰধান শিক্ষক অথবা অধ্যক্ষৰ ছীল, স্বাক্ষৰসহ পঠাব লাগিব।

গ শাখাৰ ৰচনাৰ বিষয় ‘পৰিৱেশ সুৰŽক্ষাত ছাত্ৰ-ছাত্ৰীৰ ভূমিকা’’। ৰচনাসমূহ ৫ শ শব্দৰ ভিতৰত হ’লে ভাল। গল্প-কবিতাৰ বাবে বিষয় নিৰ্বাচন কৰি দিয়া হোৱা নাই। এই বিষয়ে অধিক কিবা জানিব বিচাৰিলে ৯৮৬৪১-৩৬০৬৯-৮০১১১-১১৭৫৮ আৰু ৯৪০১৬-৫৫১২১ নম্বৰৰ সৈতে যোগাযোগ কৰিব পাৰিব।

স্বৰ্ণলতা শিশুকল্যাণ সমিতিৰ হৈ হৰপ্ৰিয়া বাৰুকিয়াল বৰগোহাঞিয়ে নৰ্থ-ইষ্ট নাওক এই কথা জানিবলৈ দিছে।