অহা ১৯ আৰু ২০ ডিচেম্বৰত কাজিৰঙা ৰাষ্ট্ৰীয় উদ্যানত জলচৰ পক্ষীৰ গণনা

কাজিৰঙা ৰাষ্ট্ৰীয় উদ্যান কৰ্তৃপক্ষৰ উদ্যোগত অহা ১৯ আৰু ২০ ডিচেম্বৰত কাজিৰঙা ৰাষ্ট্ৰীয় উদ্যানত জলচৰ পক্ষীৰ বিভাগীয় গণনা কাৰ্যসূচী অনুষ্ঠিত হ’ব।

কাজিৰঙা ৰাষ্ট্ৰীয় উদ্যান কৰ্তৃপক্ষ আৰু বোকাখাতৰ জে ডি এচ জি মহাবিদ্যালয়ৰ কাজিৰঙা অধ্যয়ন কেন্দ্ৰ, বিশ্ব প্ৰকৃতি নিধি, আৰণ্যক, ভূমি, ৱাইল্ড লাইফ ট্ৰাষ্ট অব ইণ্ডিয়া আৰু কৰবেট ফাউণ্ডেশ্যনৰ সহযোগত হ’ব লগা এই গণনা ৰাষ্ট্ৰীয় উদ্যানৰ দুখন গুৰুত্বপূৰ্ণ জলাহ ভূমিত কৰা হ’ব৷

ইয়াৰ বাবে ১৯ ডিচেম্বৰৰ বিয়লি জে ডি এচ জি মহাবিদ্যালয়ৰ কাজিৰঙা অধ্যয়ন কেন্দ্ৰত গণনাকাৰীৰ এক বিশেষ আলোচনা অনুষ্ঠিত হ’ব। ইয়াৰ পাছত ২০ ডিচেম্বৰৰ পুৱা ৫ বজাত নিৰ্বাচিত জলাহ ভূমিত মুঠ ১৫টা গননাকাৰীৰ দলে জলচৰ পক্ষীৰ গণনা কৰিব।

জানিব পৰা মতে সম্পূৰ্ণ প্ৰযুক্তিগত আৰু বৈজ্ঞানিক পদ্ধতিৰে প্ৰথমবাৰৰ বাবে কৰিবলগীয়া এই পক্ষী গণনা হ’ব এক বিভাগীয় আধাৰ তথ্য৷ ২০ ডিচেম্বৰৰ পুৱা ৫ বজাত নিৰ্বাচিত জলাহ ভূমিৰ কাষৰ নিৰ্দিষ্ট স্থানৰ পৰা উচ্চ প্ৰযুক্তিৰ সঁজুলিৰে গণনাকাৰী সকলে জলচৰ পক্ষীৰ গণনা কৰিব বুলি জানিব পৰা যায়।