ফাকুৱাৰ আনন্দৰ মাজতে আমনিত পথ দুৰ্ঘটনাত নিহত বাইক আৰোহী, আহত এজন

ৰঙৰ উৎসৱ ফাকুৱাৰ আনন্দৰ মাজতে নগাওঁ জিলাৰ আমনিত শুকুৰবাৰে সংঘটিত এক পথ দুৰ্ঘটনাত অকাল মৃত্যুক সাবটিবলগীয়া হয় শম্ভু মুন্দা নামৰ এজন যুৱকে।

আবেলি প্ৰায় তিনি বজাত আমনিৰ পৰা চামগুৰি অভিমুখী মুন্দাই AS-01BL-0442 নম্বৰৰ পালচাৰ বাইকখনৰে নিয়ন্ত্ৰণ হেৰুৱাই পথৰ ডিভাইদাৰত খুন্দিওৱাৰ ফলত সংঘটিত হয় দুৰ্ঘটনাটো।

ভয়াৱহ দুৰ্ঘটনাটোত মুণ্ডা থিতাতে নিহত হোৱাৰ লগতে গুৰুতৰভাৱে আহত হয় সহ-আৰোহী বিকি চাহা নামৰ আন এজন যুৱক।

আহত বিকিক সংকটজনক অৱস্থাত ততাতৈয়াকৈ উন্নত চিকিৎসাৰ বাবে গুৱাহাটীলৈ প্ৰেৰণ কৰা হৈছে।

যুৱক দুজনৰ ঘৰ আমনিৰ দিজুবস্তিত।

শোকাৱহ ঘটনাটোৱে সমগ্ৰ অঞ্চলটোতে ফাকুৱাৰ মাদকতা ম্লান কৰি পেলোৱা পৰিলক্ষিত হয়।