মহানগৰীত ধুমুহাৰ তাণ্ডৱ : বিজেপিৰ হেলিপেডৰ কাৰ্য্যালয়, লতাশিলৰ বিহুতলীৰ মণ্ডপ তচনচ
পুৱতি নিশা মহানগৰত ধুমুহাৰ তাণ্ডৱৰ ফলত ৰাজ্যৰ ভিন্ন প্ৰান্তৰ লগতে মহানগৰীৰ ভিন্ন অংশত ব্যাপক ক্ষতি হোৱা দেখিবলৈ পোৱা গৈছে। বহুকেইখন বিহুতলীৰ মণ্ডপ ধুমুহাই চেপেটা কৰি পেলোৱাৰ উপৰি খানাপাৰা খেলপথাৰত থকা বিজেপিৰ হেলিপেডৰ অস্থায়ী কাৰ্য্যালয়টোও ধুমুহাই তচনচ কৰি পেলায়।
আনহাতে একে ঠাইতে থকা গেৰুৱা দলটোৰ নিৰ্বাচনী প্ৰচাৰৰ কাৰ্যালয় এটাও ধুমুহাৰ ফলত নিশ্চিহ্ন হৈ পৰে। মহানগৰীৰ জি এছ ৰোডতো বিভিন্ন স্থানত গছ বাগৰি পৰে।
প্ৰচণ্ড ধুমুহাৰ ফলত ভাগি পৰে লতাশিল বিহুৰ মঞ্চ আৰু ৰভাঘৰো। লতাশিল বিহুৰ আজি অন্তিম দিনৰ কাৰ্য্যসূচী আছিল আৰু ঐতিহাসিক বিহু সম্ৰাজ্ঞী প্ৰতিযোগিতা অন্যতম কাৰ্য্যসূচী আছিল। প্ৰতি বছৰে আয়োজন কৰি অহা আৰু গোটেই অসমৰ দৃষ্টি থকা এই প্ৰতিযোগিতাখন অনুষ্ঠিত কৰিবৰ বাবে আয়োজকসকলে ধুমুহাই বিধ্বস্ত কৰা মঞ্চ যুদ্ধকালীন তত্পৰতাৰে পুনৰ নিৰ্মাণত লাগিছে।
মালিগাঁও, চানমাৰি আৰু আন বহুকেইঠাইৰ বিহুতলীৰ পেণ্ডেলো ধুমুহাই ভাঙি পেলোৱাৰ খবৰ পোৱা গৈছে।
ধুমুহাৰ ফলত বহু ঠাইত গছ পৰি পথ বন্ধ হৈ পৰাৰ লগতে বিদ্যুৎ সংযোগ বিচ্ছিন্ন হৈ মহানগৰীবাসীৰ দৈনন্দিন স্বাভাৱিক গতিশীলতাক প্ৰভাৱিত কৰিছে।
You may also like
লঙ্কেশ পৰিয়ালৰ পিছত এইবাৰ ভেমুলা পৰিয়াল: ভাৰত জোড়ো যাত্ৰাত ৰাহুল গান্ধীক সংগ দিলে ৰোহিত ভেমুলাৰ মাতৃয়ে
আভ্যন্তৰীণ কন্দল আৰু জনসাধাৰণৰ মাজত ক্ৰমশ: হেৰুৱাই পেলোৱা সমৰ্থনৰ ফলশ্ৰুতিত ভাৰতীয় ৰাজনীতিত আশ্চৰ্যজনকভাৱে দুৰ্বল হৈ পৰা এসময়ৰ প্ৰতিপত্তিশীল ভাৰতীয় জাতীয় কংগ্ৰেছে এই…
অসম অলিম্পিক সন্থাৰ পৰা বাহিৰ হ’ল তৰুণ গগৈ আৰু ৰকিবুল হুছেইন
সময়মতে নিৰ্বাচন অনুষ্ঠিত নকৰাৰ বাবে ভাৰতীয় অলিম্পিক সন্থাই অসমৰ প্ৰাক্তন মুখ্য মন্ত্ৰী তৰুণ গগৈ আৰু তেওঁৰ দলীয় সতীৰ্থ ৰকিবুল হুছেইনক অসম অলিম্পিক…
অসমৰ ঐতিহ্যক্ষেত্ৰ ব্যক্তিগত খণ্ডৰ হাতত গতালে হেংদাং ল’বলৈও প্ৰস্তুত তাই আহোম যুৱ পৰিষদ
“এডপ্ট এ হেৰিটেইজৰ নামত যদি ব্যক্তিগত খণ্ডক এই সমূহ সম্পদৰ ৰক্ষণাবেক্ষণৰ দায়িত্ব দিয়ে তথা মুনাফা লুটিবৰ বাবে দিয়ে তেন্তে তাই আহোম যুৱ…
নগাঁৱত ৰাষ্ট্ৰীয় ঘাইপথতে আগচি ধৰ্ষণ, পৰিত্যক্ত মহিলাক আৰক্ষীক অৰ্পণ নৈশ ট্ৰাকৰ
অসমত শেহতীয়াকৈ ব্যাপক মাত্ৰাত বৃদ্ধি পোৱা নাৰীজনিত অপৰাধত আৰু এক জঘন্য সংযোজনেৰে মঙলবাৰে নিশা নগাঁৱৰ আমনিত ৩৭নং ৰাষ্ট্ৰীয় ঘাইপথৰ ওপৰতে আগচি ধৰি…