ধেমাজিত চাৰিজন আলফা (স্বাধীন) উগ্ৰপন্থী গ্ৰেপ্তাৰ

অসম-অৰুণাচল সীমান্তৰ সৈতে সংলগ্ন উত্তৰ ধেমাজি অঞ্চলৰ পৰা আৰক্ষীয়ে চাৰিজন সন্দেহযুক্ত আলফা (স্বাধীন) উগ্ৰপন্থীক গ্ৰেপ্তাৰ কৰিছে।

এক বিশেষ চোৰাংচোৱা সূত্ৰৰ পৰা লাভ কৰা তথ্যৰ ভিত্তিত ধেমাজি আৰক্ষীয়ে বৃহস্পতিবাৰে অঞ্চলটোত এক অভিযান চলাই সংগঠনটোৰ চাৰিজন সদস্যক আটক কৰিবলৈ সক্ষম হয়।

আৰক্ষীয়ে গ্ৰেপ্তাৰ কৰা আলফা (স্বাধীন)ৰ সদস্যকেইজনক ধেমাজিৰ পাৰ্থজিৎ কোঁৱৰ (২১), মৃণাল ফুকন(১৮), লাহোৱালৰ জনক বৰুৱা(১৮)আৰু গোলাঘাটৰ উদয় দুৱৰা।

আৰক্ষীয়ে লগতে  তেওঁলোকৰ জিম্মাৰ পৰা এখন মটৰচাইকেল, চাৰিটা মোবাইল হেণ্ডছেট, আলফা (স্বাধীন)ৰ পতাকা, চোকা অস্ত্ৰ আৰু ক’লা কাপোৰৰ টোপোলাৰ উপৰিও কিছুমান আপত্তিজনক নথি পত্ৰ জব্দ কৰে।

আৰক্ষীয়ে কয় যে আলফা বিদ্ৰোহীয়ে অসম-অৰুণাচল প্ৰদেশৰ সীমান্তৰ সৈতে সংলগ্ন উত্তৰ ধেমাজি অঞ্চলৰ লাইপুলিয়াৰ পাহাৰীয়া বনাঞ্চলখন আত্মগোপনৰ সুৰক্ষিত স্থান হিচাপে ব্যৱহাৰ কৰি আছে আৰু জিলাখনত তেওঁলোকৰ স্থিতি শক্তিশালী কৰাৰ চেষ্টা চলাই আছে।

ধেমাজিৰ আৰক্ষী অধীক্ষক ৰাকেশ ৰেড্ডীৰ নেতৃত্বত আৰক্ষী আৰু সুৰক্ষা বাহিনীৰ এটা দলে অঞ্চলটোৰ পৰা লাভ কৰা চোৰাংচোৱাৰ তথ্যৰ ভিত্তিত অভিযান চলাই উগ্ৰপন্থীকেইজনক গ্ৰেপ্তাৰ কৰে।

আৰক্ষীয়ে জিলাখনত আৰু বহু আলফা (স্বাধীন)ৰ সদস্য থাকিব পাৰে বুলি সন্দেহ কৰে যিসকলে আন্তঃৰাজ্যিক সীমান্ত অঞ্চলক আত্মগোপনৰ সুৰক্ষিত স্থান হিচাপে ব্যৱহাৰ কৰি স্বাধীনতা দিৱসত কূটাঘাতৰ চেষ্টা চলাই আছে।

আৰক্ষীৰ এগৰাকী শীৰ্ষ বিষয়াই কয় যে ম্যানমাৰত মোক্ষম আঘাত লাভ কৰা পাছত আলফা (স্বাধীন) উগ্ৰপন্থীৰ দলটোৱে জিলাখনত তেওঁলোকৰ শক্তি বৃদ্ধিৰ বাবে তৎপৰ হৈ পৰিছে।