ৰঞ্জি ট্ৰফী জয়ৰ লক্ষ্যৰে অসমৰ ৩০ জনীয়া সম্ভাব্য দল ঘোষণা

ৰঞ্জি ট্ৰফিৰ বাবে সম্ভাব্য ৩০ জনীয়া ছিনিয়ৰ দলটো ঘোষণা কৰিছে অসম ক্ৰিকেট সন্থা চমুকৈ এ চি এই।

এ চি এৰ তৰফৰ পৰা ক্ৰিকেটাৰ সকলক ১৬ আগষ্ট অৰ্থাৎ শুকুৰবাৰে ২ বজাৰ পূৰ্বে অসম ক্ৰিকেট সন্থাৰ ষ্টেডিয়াম বৰ্ষাপাৰত উপস্থিত হ’বলৈ কোৱা হৈছে।

আগন্তুক ছিজনৰ বাবে ঘোষণা কৰা সম্ভাব্য দলটোত পূৰ্বৰ বহু কেইগৰাকী ছিনিয়ৰৰ লগতে উদীয়মান ক্ৰিকেটাৰক স্থান দিছে।

লক্ষ্যণীয় কথা হ’ল ক্ৰিকেট সন্থাৰ ভুলৰ বাবে যোৱা বছৰ দলৰ পৰা বাদ পৰা তথা গোৱাৰ হৈ খেলা বৰপেটাৰ বেগী বলাৰ কৃষ্ণ দাসকো অন্তৰ্ভুক্তি কৰা হৈছে।

সম্ভাব্য দলটো হ’ল- ঋষভ দাস, পল্লব দাস, ৰিয়ান পৰাগদ, অমিত সিনহা, শিৱ শংকৰ ৰয়, গকুল শৰ্মা, ৰাহুল হাজৰিকা, পাৰভেজ আজিজ, স্বৰূপম পুৰকায়স্থ, মঞ্জু ব্ৰহ্ম, ৰমীজ ৰব্বানী, হৃষীকেশ তামুলী, কুনাল শইকীয়া, ৱাছিকুৰ ৰহমান, ৰাজাকুদ্দিন আহমেদ, ৰাহুল সিং, অম্লানজ্যোতি দাস, অভিলাষ গগৈ, সিদ্ধাৰ্থ শৰ্মা, ৰৌছন আলম, জিতুমণি কলিতা, মুখতাৰ হুছেইন, মৃণ্ময় দত্ত, ৰঞ্জিত মালী, অৰূপ দাস, আবু নেচিম আহমেদ, প্ৰীতম দাস, কৃষ্ণ দাস, সুনীল লাচিত আৰু হীৰকজ্যোতি দাস।

উল্লেখ্য যে আজি কিছুদিন পূৰ্বে অসম ক্ৰিকেট সন্থাই আগন্তুক ৰঞ্জি ছিজনৰ বাবে অজয় ৰাত্ৰাক মুখ্য প্ৰশিক্ষক হিচাপে তথা শুভদীপ ঘোষক ফিল্ডিং প্ৰশিক্ষক, অৰ্লেন কোঁৱৰক বলিং প্ৰশিক্ষক আৰু ৰাজেশ বৰাক কনছালটেণ্ট হিচাপে নিযুক্তি দিছে।