দূৰদৰ্শনৰ জনপ্ৰিয় বাতৰি পৰিৱেশক নীলম শৰ্মাৰ পৰলোকপ্ৰাপ্তি

দূৰদৰ্শনৰ জ্যেষ্ঠ বাতৰি পৰিৱেশক তথা দূৰদৰ্শনৰ জনপ্ৰিয় চেহেৰা নীলম শৰ্মাৰ দেহাৱসান। দীৰ্ঘদিন ধৰি কৰ্কট ৰোগত আক্ৰান্ত হৈ আছিল নীলম শৰ্মা।

জনপ্ৰিয় বাতৰি পৰিৱেশক নীলম শৰ্মাই ১৯৯৫ চনত দূৰদৰ্শনত নিজৰ কেৰিয়া আৰম্ভ কৰিছিল। আৰু প্ৰায় ২০ বছৰতকৈ অধিক সময় ধৰি দূৰদৰ্শনৰ সৈতে জড়িত আছিল নীলম শৰ্মা।

নীলম শৰ্মাক ২০১৮ চনত ‘নাৰী শক্তি সন্মান’ৰে সন্মানিত কৰা হৈছিল। আৰু চলিত বৰ্ষৰ মাৰ্চ মাহত ৰাষ্ট্ৰপতি ৰামনাথ কোবিন্দে নীলম শৰ্মাক এই সন্মান প্ৰদান কৰিছিল। ইয়াৰ উপৰিও আৰু বহু পুৰস্কাৰে সন্মানিত কৰা হৈছিল নীলম শৰ্মাক।

#DDNews mourns passing away of our dear Colleague Neelum Sharma. A founding anchor with over 20 years of association with #ddnews, she played a stellar role in many capacities. From ‘Badi Charcha’ to ‘Tejasvini’ her path breaking progs won accolades including Nari Shakti Award pic.twitter.com/dYKv3S4aCe

— Doordarshan News (@DDNewsLive) August 17, 2019

নীলম শৰ্মাই মৃত্যুৰ সময়ত স্বামী আৰু ১৫ বছৰীয়া পুত্ৰক ইহ সংসাৰত এৰি থৈ গৈছে।

ইফালে নীলম শৰ্মাৰ মৃত্যুত দূৰদৰ্শনৰ লগতে বিভিন্নজনে শোক প্ৰকাশ কৰিছে লগতে শ্ৰদ্ধাঞ্জলি জ্ঞাপন কৰিছে।