নাজিৰাৰ পৰা যোৰহাটলৈ কাৰ্য্যালয় স্থানান্তৰণ: অ’ এন জি চিৰ বিবৃতি
অ’ এন জি চিৰ বিবৃতি মতে, শিৱসাগৰৰ নাজিৰাৰ পৰা যোৰহাটলৈ কাৰ্য্যালয় উঠাই নিয়াৰ কোনো পৰিকল্পনা প্ৰতিষ্ঠানটোৰ নাই।
প্ৰতিষ্ঠানটোৰ অসম সম্পদৰ কাৰ্য্যবাহী সঞ্চালক আৰু সম্পদ পৰিচালকৰ কাৰ্য্যালয়টো যোৰহাটলৈ উঠাই নিয়া হ’ব বুলি একাংশ সংবাদ মাধ্যমে বাতৰি প্ৰচাৰ কৰিছিল।
“অভিযানগত উদ্দেশ্যত সম্পদসমূহৰ নিৰীক্ষণ আৰু ব্যৱহাৰিতাৰ বাবে কাৰ্য্যালয়টো নাজিৰাতে থাকিব,” অ’ এন জি চিৰ স্পষ্টীকৰণ।
কিছুমান সংগঠনে বাতৰিটোত প্ৰতিক্ৰিয়া কৰাৰ বিপৰীতে শিৱসাগৰ চহৰত কাৰ্য্যবাহী সঞ্চালক আৰু সম্পদ পৰিচালকৰ আন এটা কাৰ্য্যালয়হে প্ৰতিষ্ঠানটোৱে স্থাপন কৰিব।
সেই কাৰ্য্যালয়টোও মূলতঃ নাজিৰাৰ পৰাই পৰিচালিত হ’ব। কিন্তু অভিযানগত প্ৰয়োজনত সময়ে সময়ে বিষয়াজন শিৱসাগৰ কাৰ্য্যালয়তো বহিব।
ভুল তথ্য প্ৰচাৰ এৰাই চলাৰ বাবে বাতৰি প্ৰকাশৰ পূৰ্বে কোম্পানিটোৰ পৰা খবৰৰ সত্যাসত্য নিৰূপণ কৰি লোৱাৰ বাবে সংবাদ মাধ্যমক অ’ এন জি চিয়ে আহ্বান জনাইছে।
অসমত পৰৱৰ্তী ৫ বছৰত কৰিব লগা বিনিয়োগ সম্পৰ্কেও অ’ এন জি চিয়ে লগতে সদৰী কৰিছে।
পৰৱৰ্তী ৫ বছৰত নতুনকৈ ২২০টা তেল আৰু গেছৰ খাদ খন্দাৰ বাবে এই বিনিয়োগ কৰা হ’ব।
“অসমত পৰৱৰ্তী ৫ বছৰত ১৩০০০ কোটি টকাতকৈও অধিক ধন বিনিয়োগৰ বাবে অ’ এন জি চিয়ে অসম চৰকাৰৰ সৈতে বুজাবুজিৰ চুক্তিত স্বাক্ষৰ কৰিছে,” বিবৃতিত প্ৰকাশ।
কোম্পানিটোৱে প্ৰকাশ কৰা মতে, এই ধন “সন্ধান আৰু উৎপাদন”ৰ বাবে বিনিয়োগ কৰা হ’ব।
You may also like
এতিয়া চিৰদিনৰ বাবে Mute কৰিব পাৰিব হোৱাটছএপ চ্যাট; চাই লওক নিয়ম
বহুদিন ধৰি য়ুজাৰসকলে এইটো বিচাৰি আহিছিল। সেয়েহে, জনপ্ৰিয় মেছেজিং এপ হোৱাটছএপে এইবাৰ চিৰদিনৰ বাবে চ্যাট মিউট কৰাৰ সুবিধা আনিছে। আইঅ’এছ আৰু এণ্ড্ৰইড…
বোকাখাতত দুটা পৃথক পথ দূৰ্ঘটনাত এজন লোকৰ মৃত্যু আৰু তিনিজনৰ গুৰুতৰ আঘাত
বৃহস্পতিবাৰে সন্ধিয়া বোকাখাতত সংঘৰ্টিত হোৱা দুটা পৃথক পথ দূৰ্ঘটনাত এজন নিহত হোৱাৰ উপৰি তিনিজন লোক গুৰুতৰ ভাৱে আহত হয় ৷ বোকাখাত নগৰৰ…
বিজেপিয়ে কি গতি কইলে, কি মতি দিলে অগপক? গেৰুৱা দলে এইবাৰ নি:শেষ কৰিব আঞ্চলিকতাবাদ!
দুৰ্ভাগ্যজনকভাৱে এতিয়া অস্তিত্ব ৰক্ষাৰ সংগ্ৰামত অৱতীৰ্ণ হ’বলগীয়া হৈছে অসমত দুবাৰকৈ শাসন-ক্ষমতা দখল কৰা তথা ঐতিহাসিক অসম আন্দোলনৰ পটভূমিত গঠিত ৰাজ্যখনৰ এসময়ৰ শক্তিশালী…
“আপুনি তাইক বিয়া কৰালে শাস্তিৰ পৰা ৰেহাই পাব!”; ধৰ্ষণত অভিযুক্ত চৰকাৰী বিষয়াক ক’লে মুখ্য ন্যায়াধীশে
দেশৰ সৰ্বোচ্চ ন্যায়ালয়ে ধৰ্ষণত অভিযুক্ত এগৰাকী চৰকাৰী বিষয়াক গ্ৰেপ্তাৰ তথা কাৰাদণ্ডৰ পৰা ৰক্ষা কৰিবলৈ ধৰ্ষিতাক বিয়া কৰাব নে বুলি প্রশ্ন কৰে। ৰাষ্ট্ৰীয়…