‘কেব’ নামানো, ৰাজ্য চৰকাৰে শীঘ্ৰে স্থিতি স্পষ্ট কৰক : বাইচুং ভুটীয়া
ভাৰতীয় ফুটবল দলৰ প্রাক্তন অধিনায়ক তথা হামৰো ছিকিম পাৰ্টি (HSP)ৰ কাৰ্যকৰী সভাপতি বাইচুং ভুটীয়াই ছিকিম চৰকাৰক নাগৰিকত্ব সংশোধনী বিধেয়ক সম্পৰ্কত শীঘ্ৰে নিজৰ স্থিতি স্পষ্ট কৰিবলৈ দাবী জনাইছে।
বুধবাৰে সংবাদ মাধ্যমৰ আগত ভুটীয়াই কয়, ‘আমি ইতিমধ্যে উত্তৰ-পূবৰ প্ৰায় সমূহ চৰকাৰেই নাগৰিকত্ব সংশোধনী বিধেয়কক বিৰোধিতা কৰা দেখিছো।‘
‘মই আমাৰ ছিকিম চৰকাৰেও একেই কৰাটো বিচাৰিম।‘ তেওঁ লগতে কয়।
হামৰো ছিকিম পাৰ্টিয়ে উক্ত বিধেয়কৰ তীব্ৰ বিৰোধিতা কৰে বুলি উল্লেখ কৰি তেওঁ আৰু কয়, ‘এই বিধেয়কখন সম্পূৰ্ণৰূপে ছিকিমৰ ৰাইজৰ স্বাৰ্থ আৰু অনুচ্ছেদ ৩৭১ এফৰ পৰিপন্থি।‘
সেয়ে ‘ৰাজ্যখনৰ স্বাৰ্থৰ হকে ছিকিম চৰকাৰে তেওঁলোকৰ স্থিতি কেন্দ্ৰক স্পষ্টভাৱে জনোৱাটো আমি কামনা কৰো।‘ ভুটীয়াই কয়।
উল্লেখযোগ্য যে বুধবাৰে কেন্দ্ৰীয় কেবিনেটে নাগৰিকত্ব সংশোধনী বিধেয়কক অনুমোদন জনায়। অহা ৯ আৰু ১০ ডিচেম্বৰত বিধেয়কখন ক্ৰমে লোকসভা আৰু ৰাজ্যসভাত উত্থাপন হ’ব।
You may also like
বয়স বাঢ়িছে, কিন্তু পৰিপক্ক হৈছেনে? কিদৰে জানিব এই কথা…
বয়সৰ লগে লগে প্ৰত্যেকজন ব্যক্তিয়েই পৰিপক্ক হয়। কিন্তু কেৱল বয়স নহয়, বিভিন্ন পৰিঘটনাই মানুহক এবাৰতে অধিক পৰিপক্ক কৰি তোলে। আপুনি নিজকে পৰিপক্ক…
আৰক্ষীৰ নিযুক্তি কেলেংকাৰিৰ মূল অভিযুক্ত দত্ত আৰু বিজেপি নেতা ডেকাৰ সম্পত্তিত ই ডিৰ চকু
প্ৰবৰ্তন সঞ্চালকালয়ে (ই ডি) প্ৰাক্তন আৰক্ষী মহাপৰিদৰ্শক পি কে দত্ত আৰু বিজেপি নেতা দিবন ডেকাৰ সম্পত্তিৰ বিতং তালিকা বিচাৰিছে। দত্ত আৰু ডেকা…
শিশুসকলৰ হোম ছিকনেছ – শিশুৰ গৃহ-কাতৰতা লক্ষণ; জানক ইয়াৰ কাৰণ আৰু প্ৰতিকাৰ
আজিকালি ল’ৰা-ছোৱালীয়ে কেৰিয়াৰ আৰু পঢ়াৰ বাবে ঘৰৰ পৰা আঁতৰত হোষ্টেলত থাকে। অচিনাকি পৰিবেশত থকা, তাত থকা মানুহৰ লগত মিলি যোৱাটো তেওঁলোকৰ বাবে…
ভাৰতীয় বিমানৰ বাবে আকাশমাৰ্গ বন্ধ কৰাৰ পাছত ১২৭ কোটি টকাৰ লোকচানৰ সন্মুখীন পাকিস্তান
ভাৰতৰ সৈতে শত্ৰুতা যে পাকিস্তানৰ বাবে এটা অভিশাপ সেই কথা পুনৰ প্ৰমাণিত হৈছে। জানিব পৰা মতে চুবুৰীয়া দেশখনে দুমাহমানৰ বাবে ভাৰতীয় বিমান…