এইবাৰ ধোনীৰ ক্ৰিকেট ভবিষ্যতক লৈ এনেদৰে ক’লে ১৯৮৩ৰ বিশ্বকাপ বিজয়ী ভাৰতীয় দলৰ অধিনায়ক কপিল দেৱে

ভাৰতৰ বিশ্বকাপ বিজয়ী অধিনায়ক মহেন্দ্ৰ সিং ধোনীৰ ক্ৰিকেট ভবিষ্যতকলৈ এইবাৰ মত প্ৰকাশ কৰিছে ১৯৮৩ চনৰ বিশ্বকাপ বিজয়ী ভাৰতীয় দলৰ অধিনায়ক কপিল দেৱে।

‘‘যদি তুমি দীৰ্ঘসময় ধৰি ক্ৰিকেট নেখেলা তেন্তে মই নাভাবো তুমি দললৈ উভতি আহিব পাৰিবা,’’ কপিল দেৱে মহেন্দ্ৰ সিং ধোনীক উদ্দেশ্য কৰি কয়।

কপিল দেৱে লগতে মহেন্দ্ৰ সিং ধোনীয়ে ভাৰতীয় ক্ৰিকেটৰ উত্তোৰণৰ বাবে যথেষ্ট কৰিছে বুলি উল্লেখ কৰি কয় যে যদিহে তুমি ৬-৭ মাহ ক্ৰিকেট নেখেলা তেন্তে তুমি সকলোৰে মনত এটা অনিশ্বয়তাৰ সৃষ্টি কৰিবা।

উল্লেখযোগ্য যে, বিগত বৰ্ষৰ বিশ্বকাপত ভাৰতে নিউজিলেণ্ডৰ বিৰুদ্ধে পৰাস্ত হোৱাৰ পাছৰে পৰা মহেন্দ্ৰ সিং ধোনীয়ে ক্ৰিকেটৰ পথাৰৰ পৰা আতৰি আছে।

ধোনীয়ে আহিবলগীয়া আই পি এলত চেন্নাই চুপাৰ কিংছৰ হৈ পুনৰ ক্ৰিকেটৰ মাজলৈ উভতি আহিব বুলি ধাৰণা কৰা হৈছে।

বিচিচিআইৰ সভাপতি সৌৰভ গাংগুলীয়েও ধোনীৰ কেৰিয়াৰ সম্বন্ধে ধোনীয়েহে জানিব বুলি উত্তৰ দিছে।

ভাৰতীয় দলৰ মুখ্য প্ৰশিক্ষক ৰবি শাস্ত্ৰীয়ে এক প্ৰকাৰ ধোনীৰ ক্ৰিকেটিং কেৰিয়াৰ সমাপ্ত হোৱাৰ ইংগিত দিছে।

সকলো জল্পনা-কল্পনাৰ অন্ত পেলাই সময়ত ধোনীয়ে কি পদক্ষেপ ল’ব সেয়াহে লক্ষ্যণীয় হ’ব।