সাম্প্ৰতিক পৰিস্থিতিক লৈ উদ্বিগ্ন; পুনৰ অসমীয়া যুৱকৰ আলফা স্বাধীনত যোগদান

পেঙেৰীৰ নগাপথাৰ গাঁৱৰ সমীৰণ সোণোৱাল নামৰ এজন যুৱকে শেহতীয়াকৈ আলফা স্বাধীনত যোগ দিয়া বুলি ওলোৱা খবৰে বিশেষ চৰ্চা লাভ কৰিছে।

এই পৰ্যন্ত নিশ্চিত হোৱা নাই যদিও যুৱকজনে সংগঠনটোত যোগ দিয়া বুলি ইতিমধ্যে সন্দেহ প্ৰকাশ কৰিছে পৰিয়ালৰ লোকে।

উল্লেখ্য যে যুৱকজনে সোমবাৰে নিজৰ ফেইচবুক একাউণ্টৰ জৰিয়তে সাম্প্ৰতিক পৰিস্থিতি সন্দৰ্ভত নিজৰ উদ্বিগ্নতা প্ৰকাশ কৰি সংযুক্ত মুক্তি বাহিনী, অসম (স্বাধীন) ত যোগদান কৰাৰ কথা ৰাজহুৱা কৰে।

যুৱকজনে নিজৰ ফেইচবুক প’ষ্টটোত লিখে, ‘আজি মই বিনা দ্বিধাই ক’ব পাৰোঁ যে অসমৰ দল-সংগঠন বিলাক ভৱিষ্যতৰ ৰাজনৈতিক দালাল বনোৱা একো একোটা কাৰাখানা মাথোঁ। সেয়হে আজি মই মোৰ স্ব-জ্ঞানেৰে সংযুক্ত মুক্তি বাহিনী, অসম (স্বাধীন) ত যোগদান কৰিবলৈ ওলাই আহিলো।

যুৱকজনৰ ফেইচবুক প’ষ্টটো ইয়াত সন্নিৱিষ্ট কৰি দিয়া হ’ল

অসমত শেহতীয়াভাৱে দেখা দিয়া পৰিস্থিতিৰ বাবেই আলফা(স্বাঃ)ৰ প্ৰতি যুৱ সমাজৰ আকৰ্ষণ বৃদ্ধি পোৱাটো পৰিলক্ষিত হৈছে।

ৰাজ্যখনৰ বিভিন্ন অংশত বহু সংখ্যক যুৱকে নিষিদ্ধ ঘোষিত সংগঠনটোত যোগদান কৰিবলৈ লোৱাটোৱে বিশেষ তাৎপৰ্য বহন কৰিছে।