চিকিৎসক থকাৰ পিছতো চিকিৎসা অবিহনে উভতিল ৰোগী, কৃষ্ণাইত প্ৰতিক্ৰিয়া

গোৱালপাৰা জিলাৰ কৃষ্ণাই ক্ষুদ্ৰ প্ৰাথমিক স্বাস্থ্য কেন্দ্ৰত চিকিৎসকৰ বিৰুদ্ধে ৰোগীক অৱহেলাৰ কৰাৰ গুৰুতৰ অভিযোগ উঠিছে৷

চিকিৎসক থকাৰ পিছোতো চিকিৎসা অবিহনে ৰোগীক ওভতাই পঠোৱা ঘটনাই অঞ্চলটোত তীব্ৰ প্ৰতিক্ৰিয়াৰ সৃষ্টি কৰিছে।

জানিব পৰা মতে আজি পুৱা কৃষ্ণাই-তুৰা ৰাষ্ট্ৰীয় ঘাই পথত সংঘটিত এক পথ দূৰ্ঘটনাত আহত হোৱা বিপ্লব মণ্ডল নামৰ বঙাইগাঁৱৰ  লোক এজনক লৈ প্ৰাথমিক চিকিৎসাৰ বাবে কৃষ্ণাই ক্ষুদ্ৰ প্ৰাথমিক স্বাস্থ্যকেন্দ্ৰ লৈ আনা হৈছিল৷

কিন্তু পৰিতাপৰ কথাটো হ’ল যে ৰাতিপুৱা ৯:৩০ লৈকে স্বাস্থ্যকেন্দ্ৰটোত  উপস্থিত নাই কোনো চিকিৎসক৷

আহত লোকজনক লৈ অহা লোকেজনে চিকিৎসক বিচাৰ খোচাৰ কৰাত  এজন স্বাস্থ্য কৰ্মীয়ে কোৱাটাৰত চিকিৎসকজন থকা বুলি জানিবলৈ দিয়ে।

কোৱাটাৰলৈ গৈ আহত লোকজনক চাবলৈ অনুৰোধ কৰিলে যদিও চিকিৎসকজনে ৰোগীক চোৱাৰ সলনি  নাৰ্চক দেখুৱাবলৈ পৰামৰ্শ দিয়ে৷

চিকিৎসকৰ পৰামৰ্শ মতে আহতলোকজনক লৈ আহা ব্যক্তিজনে নাৰ্চ গৰাকীক বিছাৰিলে যদিও নাৰ্চ গৰাকীয়ে সেই সময়ত এগৰাকী প্ৰসুতি ৰোগীৰ লগত লেবাৰ ৰুমত ব্যস্ত আছিল৷

উপায়ন্তৰ লোকজনে পুনৰ চিকিৎসকজনক লগ কৰিলে কিন্তু দ্বিতীয়বাৰো চিকিৎসকজনে ফীল্ডত ডিউতি থকা বুলি গুচি যায়৷

জানিব পৰা মতে আজি ডা০ নন্দ কুমাৰ নাথ নামৰ চিকিৎসকজন সেই সময়ত উপস্থিত আছিল৷ গুৰুতৰভাবে আহত বিপ্লৱ মণ্ডল নামৰ লোকজনক অৱশেত কৃষ্ণাইৰ ক্ষুদ্ৰ প্ৰাথমিক স্বাস্থ্যকেন্দ্ৰত চিকিৎসা অবিহনে গোৱালপাৰা অসামৰিক চিকিৎসালয়লৈ নিবলগীয়া হয়৷

এজন চিকিৎসক উপস্থিত থকাৰ পিছতো ৰোগীক কোনো চিকিৎসা প্ৰদান নকৰা ঘটনাটোয়ে অঞ্চলটোত প্ৰতিক্ৰিয়াৰ সৃষ্টি কৰিছে৷