পাটনাৰ পৰা আহি পালে পিতৃ; আজি সম্পন্ন হ’ব সুশান্ত সিং ৰাজপুতৰ শেষকৃত্য
দেওবাৰে মৃত্যুক সাবটি লোৱা বলিউডৰ অভিনেতা সুশান্ত সিং ৰাজপুতৰ আজি শেষকৃত্য সম্পন্ন কৰা হ’ব।
পিতৃ আৰু পৰিয়ালৰ কিছু লোকৰ উপস্থিতিত মুম্বাইতে অভিনেতানজৰ অন্ত্যেষ্টক্ৰিয়া সম্পন্ন হ’ব। যোৱা নিশা পাটনাৰ পৰা অহা পিতৃ আৰু পৰিয়ালৰ লোকসকল মুম্বাইত উপস্থিত হয়।
উল্লেখযোগ্য যে কালি দিনত মুম্বাইৰ বান্দ্ৰাত থকা ভাৰাঘৰত অভিনেতা সুশান্ত সিং ৰাজপুতৰ মৃতদেহ উদ্ধাৰ হৈছিল। পিছত মুম্বাইৰ কাপুৰ হাস্পতালত কৰা মৰণোত্তৰ পৰীক্ষাৰ প্ৰতিবেদনত তেওঁ আত্মহত্যা কৰা বুলি নিশ্চিত কৰা হয়।
এই পৰ্যন্ত আত্মহত্যাৰ প্ৰকৃত কাৰণ জানিব পৰা হোৱা নাই যদিও বহুতেই তেওঁ ডিপ্ৰেশ্যনত ভোগী থকাৰ বাবেই এনে সিদ্ধান্ত লোৱা বুলি মন্তব্য কৰিছে।
উল্লেখযোগ্য যে কিছু দিন পূৰ্বে অভিনেতা গৰাকীৰ প্ৰাক্তন মেনেজাৰ গৰাকীয়ে আত্মহত্যা কৰিছিল।
কালিৰ ঘটনাৰ সন্দৰ্ভত আৰক্ষীয়ে সুশান্ত সিং ৰাজপুতৰ মেনেজাৰ, ক্ৰিয়েটিভ মেনেজাৰ, চে’ফ আৰু অভিনেতাজনৰ চিকিৎসকগৰাকীৰ ভাষ্য সংগ্ৰহ কৰিছে।
ইফালে কোভিড-১৯ৰ বাবে আজি অনুষ্ঠিত হ’ব লগা বাবে অন্ত্যেষ্টিক্ৰিয়াত বেছি মানুহ উপস্থিত থাকিব নোৱাৰিব বুলি জানিব পৰা গৈছে।