এৰিলে ৰাইজৰ দল; এইবাৰ অসম জাতীয় পৰিষদত যোগদান অভিনেত্ৰী জেৰিফা ৱাহিদৰ
সোমবাৰে অসম জাতীয় পৰিষদত আনুষ্ঠানিকভাৱে যোগদান কৰিলে অসমীয়া চলচ্চিত্ৰ জগতৰ মোহময়ী অভিনেত্ৰী জেৰিফা ৱাহিদে।
অসম জাতীয় পৰিষদৰ সভাপতি লুৰিণজ্যোতি গগৈৰ উপস্থিতিত অভিনেত্ৰীগৰাকীয়ে নতুন আঞ্চলিক দলটোত যোগদান কৰে ।
উল্লেখ্য যে কিছুদিন পূৰ্বে আজি জেৰিফা ৱাহিদে ৰাইজৰ দলত যোগদান কৰিছিল।
অজাপত যোগদান কৰি জেৰিফা ৱাহিদে কয় যে ৰাইজৰ দলত কাম কৰিবলৈ তেওঁ ভাল পোৱা নাছিলো। সেয়েহে তেওঁ ৰাইজৰ দলৰ পৰা অসম জাতীয় পৰিষদত যোগদান কৰিছো।
অজাপত কাম কৰাৰ ক্ষেত্ৰত কিছু সুবিধা লাভ কিৰব বুলি উল্লেখ কৰি জেৰিফাই লগতে কয় যে জাতীয় পৰিষদ আৰু ৰাইজৰ দলৰ মাজত কোনো মতানক্য নাই।
জেৰিফা ৱাহিদে লগতে স্পষ্ট কৰি দিয়ে যে তেওঁ ৰাইজৰ দলৰ পৰা কোনো টিকট বিচৰা নাছিল। তেওঁক ৰাইজৰ দলৰ পৰা প্ৰথমতে ভৱানীপুৰ, তাৰপাছত সৰুক্ষেত্ৰী আৰু দলগাওঁৰ পৰা টিকট দিব বিচৰা হৈছিল।
কিন্তু জেৰিফা ৱাহিদে ৰাইজৰ দলৰ পৰা প্ৰতিদ্বন্দ্বিতা নকৰাৰ কথা স্পষ্ট কৰি দিছিল।
জেৰিফাৰ উপৰি আজি অজাপত যোগদান কৰে পূব গোৱালপাৰা সমষ্টিৰ চাৰিবাৰৰ বিধায়ক গিয়াছুদ্দিন আহমেদৰ পুত্ৰ ডঃ আনিশেষ আহমেদ, অসম ফুটবল সন্থাৰ যুটীয়া সম্পাদক আমবৃত শৰ্মা আৰু আমছুৰ ৰাজ্যিক প্ৰাক্তন সভাপতি জহিৰুল হকে।