মৃত্যুক আহ্বান! দক্ষিণ আফ্ৰিকাত আগতীয়াকৈ খন্দা হৈছে ১৫ লাখ গণ কবৰ
দক্ষিণ আফ্ৰিকাৰ বিতোপন চহৰ জোহান্সবাৰ্গ।জোহান্সবাৰ্গৰ নাতি দূৰৈত অৱস্থিত প্ৰিটোৰিয়া। সৌসিদিনালৈ হাঁহিৰে পৰিপূৰ্ণ হৈ থকা চহৰ খনত এতিয়া মৰিশালীৰ নিস্তব্ধতা।
ক’ৰ’ণা ভাইৰাছে কাঢ়ি নিছে চহৰ খনৰ সকলো সুখ- আনন্দ। প্ৰিটোৰিয়া চহৰ অৱস্থিত দক্ষিণ আফ্ৰিকাৰ গাওতেং নামৰ প্ৰদেশ খনত।
গাওতেং প্ৰদেশ খনত এতিয়া চলিছে মৃত্যুৰ খেলা। অতি কম দিনৰ ভিতৰতে প্ৰদেশখনত ক’ৰ’ণা ভাইৰাছত আক্ৰান্ত হৈছে লক্ষাধিক লোক। মৃত্যুৰ শীতল কোলাত ঢলি পৰিছে কেইবা হাজাৰ লোক।
এনে পৰিস্থিতিত দিশহাৰা হৈ পৰিছে প্ৰদেশ খনৰ প্ৰশাসন।গাওতেং প্ৰদেশৰ স্বাস্থ্য বিভাগে পৰ্যাপ্ত সুবিধাৰ অভাৱত ক’ৰ’ণাত আক্ৰান্ত ৰোগীৰ সঠিক চিকিৎসা কৰিবলৈ সক্ষম হোৱা নাই।
এনে পৰিস্থিতিত ক’ৰ’ণাত আক্ৰান্ত বহু ৰোগীয়েই এক প্ৰকাৰ বিনা চিকিৎসাই মৃত্যুক আকোৱালি ল’বলগীয়া হৈছে।প্ৰশাসন।
গাওতেং প্ৰদেশৰ স্বাস্থ্য বিভাগে উপায়বিহীন হৈ ৰোগীৰ চিকিৎসাৰ সলনি মৃত্যু ঘটা লোকৰ মৃতদেহৰ থানথিত লগোৱাৰ চিন্তাতহে ব্যস্ত হৈ পৰিবলগীয়া হৈছে। উপযুক্ত চিকিৎসাৰ সুবিধা নথকা গাওতেং প্ৰদেশত স্বাস্থ্য বিভাগৰ উদ্যোগতে আগতীয়াকৈ খন্দা হৈছে ১৫ লাখ গণ কবৰ।
এই কবৰত কাৰ স্থান হয় সেয়া কোনেও কব নোৱাৰে।
প্ৰতিৰোধ আৰু চিকিৎসাৰ সলনি গাওতেং প্ৰদেশত খোদ স্বাস্থ্য বিভাগৰ উদ্যোগতে আগতীয়াকৈ গণ কবৰ খন্দাৰ বিষয়টোৱে প্ৰতিক্ৰিয়াৰ সৃষ্টি কৰিছে।