বিজেপিৰ “ৰিজাল্ট”হে দিলে অগপৰ সভাপতিয়ে; নিজৰ দলৰ বিষয়ে ক’বলৈ অপাৰগতা প্ৰকাশ
সপ্তদশ লোকসভা নিৰ্বাচনৰ ভোটগণনাৰ বাবে মাজত মাথো দুটা দিন বাকী থকা অৱস্থাত বিজেপি তথা এন ডি এক “জয়” দিলে অগপৰ সভাপতি অতুল বৰাই।
“এইবাৰ বিজেপি নেতৃত্বাধীন চৰকাৰ কেন্দ্ৰত আহিব”, এক্সিট প’ল বা নিৰ্বাচনোত্তৰ সমীক্ষাৰ কথা টানি আনি এটা ব্যক্তিগত খণ্ডৰ সংবাদ প্ৰতিষ্ঠানৰ আগত বিজেপিৰ মিত্ৰ দলৰ সভাপতিজনৰ মন্তব্য।
পিছে নিজৰ দলৰ ফলাফল সন্দৰ্ভত কোনো পূৰ্বানুমান দিয়াত অপাৰগতা প্ৰকাশ কৰে সভাপতি বৰাই।
“মই কৈ দিব নোৱাৰো যে জিকিম, কিন্তু এটা কথা নিশ্চিত যে কেন্দ্ৰত বিজেপি নেতৃত্বাধীন চৰকাৰ হ’ব”, নিজৰ দলৰ ফলাফলৰ বিষয়ে সোধা সাংবাদিকক সভাপতি বৰাৰ উত্তৰ।
অসমতো মিত্ৰজোঁটৰ ৰিজাল্ট ভালে হ’ব বুলি ইংগিত দি ক’লে, “বিজেপিয়ে যথেষ্ট আশাপ্ৰদ ফল লাভ কৰিব বুলি মই ভাবো।”
পুনৰ সাংবাদিকজনে নিজৰ দলৰ বিষয়ে সোধাত কয়, “২৩ তাৰিখটো যিহেতু পালেহিয়েই, মই আগতীয়াকৈনো কিয় কওঁ”?
You may also like
সুৰংগৰ যন্ত্ৰণাকাতৰ সময়ত ‘চোৰ-পুলিচ’, ‘ৰামি’য়েই মানসিক চাপ প্ৰতিহতৰ উপায়
উত্তৰকাশীৰ সুৰংগত আৱদ্ধ শ্ৰমিকসকলক উদ্ধাৰৰ বাবে অব্যাহত থকা অভিযান প্ৰায় অন্তিম পৰ্যায়ত উপনীত হৈছে। ১২ দিনীয়া যন্ত্ৰণাকাতৰ পৰিস্থিতিৰ অন্তত কিছু সময়ৰ পিছতে…
গাদ্দাফিৰ পৰা নিৰ্বাচনী ধন লাভ কৰাৰ অপৰাধত ফ্ৰান্সৰ প্ৰাক্তন ৰাষ্ট্ৰপতি চাৰ্কোজিক পাঁচ বছৰৰ কাৰাদণ্ড
ফ্ৰান্সৰ প্ৰাক্তন ৰাষ্ট্ৰপতি নিকোলাছ চাৰ্কোজিক দোষী সাব্যস্ত কৰি পাঁচ বছৰৰ কাৰাদণ্ড বিহা হৈছে। লিবিয়াৰ প্ৰাক্তন নেতা কৰ্ণেল মুয়াম্মাৰ গাদ্দাফিৰ পৰা ২০০৭ চনৰ…
বিশিষ্ট কবি হৰেকৃষ্ণ ডেকাৰ কবিতা- আইকন*
আইকন* প্ৰাণ ঢালি গান গোৱা ডেকাজন সকলোকে সহোদৰ বুলি ভবা ডেকাজন হঠাৎ গুচি গ’ল। যোৱা কথা আছিলেই। তোমালোকে ভাবিছিলা তেওঁ নাযায়। বহু…
মণিপুৰত বিজেপিয়ে ঘোষণা কৰিলে ৬০ জন প্ৰাৰ্থীৰ নাম তালিকা
৬০ জনীয়া মণিপুৰ বিধানসভাৰ নিৰ্বাচনৰ বাবে বিজেপিয়ে আজি ৬০ জন প্ৰাৰ্থীৰ নাম তালিকা প্ৰকাশ কৰে। তালিকা অনুসৰি মণিপুৰৰ মুখ্যমন্ত্ৰী এন বীৰেন সিঙক…