শেষ যাত্ৰা: গুজৰাট পোৱাৰ পিচতে ভাঙি টুকুৰা টুকুৰ কৰা হ’ব আইএনএছ বিৰাটক

এক দীৰ্ঘ পৰিক্ৰমাৰ  অন্ত পৰিবলৈ আৰু বেছি পৰ নাই।

দুদিন পিচতে ভাঙি টুকুৰা টুকুৰ কৰি পেলোৱা হ’ব ভাৰতীয় নৌ সেনা বাহিনীৰ শৌৰ্য বীৰ্যৰ প্ৰতীক যুদ্ধ জাহাজ আইএনএছ বিৰাটক।

৩০ বছৰ ধৰি ভাৰতীয় নৌ সেনা বাহিনীত সেৱা আগবঢ়োৱা যুদ্ধ বিমান কঢ়িয়াই নিয়া আইএনএছ বিৰাটে দীৰ্ঘ কাল ধৰি সেৱা আগবঢ়োৱা জাহাজ হিচাবে গীনিজ বুকুতো নিজৰ নাম লিখাবলৈ সক্ষম হৈছিল।

বিগত শতিকাৰ ৮০ ৰ দশকত  চনত ব্ৰিটেইনে দেশখনৰ নৌ বাহিনীৰ পৰা জাহাজ খন বাদ দিয়াৰ পিচতে ভাৰতে সেই খন ব্ৰিটেইনৰ পৰা কিনি লৈছিল আৰু ১৯৮১ চনত জাহাজ খন ভাৰতীয় নৌ বাহিনীত অন্তৰ্ভূক্ত কৰা হৈছিল।

देहिनोऽस्मिन्यथा देहे कौमारं यौवनं जरा।
तथा देहान्तरप्राप्तिर्धीरस्तत्र न मुह्यति।।

… the Spirit lives on pic.twitter.com/RaAuCVPjGM

— SpokespersonNavy (@indiannavy) September 19, 2020

সুদীৰ্ঘ ৩০ বছৰ ধৰি সেৱা আগবঢ়োৱাৰ পিচত জাহাজ খনক ২০১৭ চনৰ আগষ্ট মাহত নৌ বাহিনীৰ পৰা অৱসৰ দিয়া হয়।

সিদ্ধান্ত লোৱা হয় জাহাজ খন ভাঙি অৱশিষ্ট খিনি বিক্ৰি কৰা হ’ব। ৩০ বছৰীয়া পৰিক্ৰমাত জাহাজ খনে ২৭ বাৰ পৃথিৱী প্ৰদক্ষিণ কৰিছে।

পানীত অতিক্ৰম কৰিছে ১০,৯৪,২১৫ কিলোমিটাৰ। ২,২৫২ দিন জাহাজ খনে নৌ সেনাৰ কামত সাগৰত যাত্ৰা কৰিছে।

জাহাজ খনে সাগৰত কটাইছে মুঠ ২২,৬২২ ঘণ্টা। সেই হিচাবত ৭ বছৰ ধৰি জাহাজ খনে কেৱল যাত্ৰাই কৰিছে।

আজি মুম্বাইৰ পৰা গুজৰাট অভিমুখে আইএনএছ বিৰাটে অন্তিম যাত্ৰা আৰম্ভ কৰিছে।

দুদিনৰ পিছত গুজৰাটৰ আলং বন্দৰ পোৱাৰ পিছতে জাহাজ খন ভাঙি টুকুৰা টুকুৰ কৰি পেলোৱা হ’ব।

নিলামত জাহাজ খন ক্ৰয় কৰা শ্ৰীৰাম গ্ৰুপে জাহাজ খনৰ অৱশিষ্ট বিক্ৰি কৰি দিব।

আইএনএছ বিৰাটৰ শেষ যাত্ৰাৰ সময়ত নৌ সেনা বাহিনীয়ে শোক প্ৰকাশ কৰি এটা টুইট কৰিছে।

প্ৰথমে চিন্তা কৰা হৈছিল জাহাজ খন সংগ্ৰহালয়লৈ অথবা ওপঙা ৰেষ্টুৰেণ্টলৈ ৰূপান্তৰিত কৰা হ’ব।

কিন্তু সময়ত সেয়া একোৱেই কৰা নহ’ল। বিদায় আইএনএছ বিৰাট।