এ কে ছিৰিজৰ ৰাইফলসহ গোলা-বাৰুদ উদ্ধাৰ কোকৰাঝাৰ আৰক্ষীৰ

এটা এ কে চিৰিজৰ ৰাইফলসহ বহু পৰিমাণৰ গোলা-বাৰুদ উদ্ধাৰ কৰিছে কোকৰাঝাৰ আৰক্ষীয়ে।

কোকৰাঝাৰ আৰক্ষীৰ অতিৰিক্ত আৰক্ষী অধীক্ষ বেদান্ত বৰকাকতী আৰু বগৰীবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া নেতৃত্বত যোৱা আৰক্ষীৰ অভিযানকাৰী এটা দলে  উদ্ধাৰ  কৰে এই অবৈধ মাৰাণাস্ত্ৰসমূহ।

কোকৰাঝাৰ আৰক্ষীৰ অভিযানকৰাৰী দলটোৱে বগৰীবাৰী আৰক্ষী থানাৰ অন্তৰ্গত টিপকাই সংৰক্ষিত বনাঞ্চলৰ অবৈধ মাৰাণাস্ত্ৰৰ সন্ধানত অভিযান চলাইছিল।

অভিযানকাৰী দলটোৱে অঞ্চলটোৰ দুলীগাঁৱৰ এখন বাঁহনী পৰা উদ্ধাৰ কৰে অস্ত্ৰসহ বিস্ফোৰক সামগ্ৰীসমূহ।

“অভিযান কালত দলটোৱে এটা এ কে চিৰিজৰ ৰাইফল, দুটা একে চিৰিজৰ মেগজিন, প্লাষ্টিকেৰে মেৰিয়াই থোৱা ৩০ টা একে চিৰিজৰ গুলী উদ্ধাৰ কৰে।” কোকৰাঝাৰ জিলাৰ আৰক্ষী অধীক্ষক ৰাকেশ ৰোশনে কয়।

এই অবৈধ অস্ত্ৰসমূহ স্বতন্ত্ৰ সাক্ষীৰ সন্মুখত উদ্ধাৰ কৰে বুলিও জিলা আৰক্ষী অধীক্ষকগৰাকীয়ে জানিবলৈ দিয়ে।